Kesi ya Lundenga yasogezwa mbele

KESI ya madai inayomkabili Mkurugenzi wa Kampuni ya Lino Agency inayoandaa mashindano ya Miss Tanzania Hashim Lundenga imesogezwa mbele mpaka Oktoba 22 mwaka huu anaripoti Evance Ng’ingo .
Kesi hiyo itasikilizwa katika Mahakama ya Hakimu Mkazi Kisutu Dar es Salaam na inaendeshwa na Hakimu Nyigumalila Mwaseba.
Kesi hiyo ilifunguliwa na mke wa Lundenga, Twigi Lundenga akidai talaka na haki nyingine muhimu kama mke.
Katika kesi hiyo mashahidi watano wanatarajia kutoa ushahidi kuhusiana na suala hilo.
Katika madai yake Twigi, anadai Lundenga amhakikishie malezi kwa watoto wao wawili wanaosoma ambao ni Harris Lundenga na Hamna Lundenga.
Pia mke huyo wa Lundenga ameitaka mahakama iamue alipwe fidia kulingana na uzito katika kesi hiyo iliyopo mahakamani hapo.