Beda msimbe reflections...Mhh Hawa hasa ni akina nani nchini hapa?

Nasema Zanzibar ni nchi, kama wewe huamini kwamba hiyo si nchi ila  ni wilaya ya Kinondoni angalia zogo linaloendelea kwa kupitia vikao ...

Nasema Zanzibar ni nchi, kama wewe huamini kwamba hiyo si nchi ila  ni wilaya ya Kinondoni angalia zogo linaloendelea kwa kupitia vikao vya wenye kuamini.

Mustakabali wa Zanzibar upo mkononi mwa wanazanzibaa wenyewe,hakika kama hawautaki muungano, hawautaki lakini mfumo wa federali unaofikiriwa ni upuuzi mtupu.. 

Hakuna shaka na  kauli zinazozungumwa na watu wa dini wanaofanya siasa.

Kwa wale wanaofahamu historia ya Zenji mpaka leo hawatasita  kukubaliana nami kwamba muungano pingwa ni shauri  kutiana vidole kwa wao wenyewe kwa visingizio vya utaifa Mhh!

Watu walioendesha mazungumzo ya muungano wakatia saini  hawakuwa malaika wanaujua ukweli. Ndio kusema, malaika watabaki wanashangaa jinsi mashetani wanavyoheuka kuwavutia kwao watu wake wote,ndio kusema kujitenga kwa Zanzibar katika hili kutafuatiwa na Pemba  kujitenga bisha na kama fanya hivyo baada ya kuangalia historia !

Hilo kwangu mimi Mtanzania huenda likawa shauri lisiloweza kutikisa,si sote tunajua au..? Wanatokea viongozi wanasema wana msimamo, msimamo gani hasa? Kama ni suala la uasi na maandalizi ya uasi kwanini tunasubiri uasi utokee? Yumkini upo uhusiano  kati ya kuchomwa moto makanisa, uzanzibara na uzanzibaa.

Naam sote tunajua historia ya Unguja na Pemba, historia ya undava undava na kutokubaliana na kila kitu lazima kitengenezwa kwa jina la wale wanaoamini .

Mimi naona tatizo la Uzanzibara na Uzanzibaa si tatizo kwani naamini tukishalimaliza tutaanza uzanzibaa na uzanzipee na hapa tutayaona ya  Wapalestina na Waisrael na ukiona wanakubaliana  kikwelikweli ndio mwisho wa dunia.

Hee kama Maalim seif na Karume walikubali yaishe sasa nini kinataka kutokea huku ? kuna jini la kuchongwa au jini asili sasa linazeeka.

Hee labda manake hata sielewi nini hasa kinaendelea.!

Hawa jamaa kwa fitna ndio wenyewe na hakika kwa ujumla wao, kutishia si tatizo sijui kwa sababu ya  mapinduzi ya mwaka 1964? Eti wanataka wapumue, nani kawabana wamejaa tele Bara na wafanyabiashara sana hawa, tuingie fede kwanini?

Hiki kizazi gani kisichojua duara ya dunia na demokrasia? Na kwanini nikukabidhi madaraka 

hasa? Basi visa na visirani.

Hakika kama ndivyo ilivyo hatutarajii mema, pamevunda hapa panastahili aina nyingine ya tiba.kama huwezi kusoma nyaraka bhasi angalau usome upepo kwani ukiangalia kwa makini na mwenendo huu unaona kabisa hawa jamaa wana taka kuleta dhahama ya Lebanon, maskini 

kachara siye tunaweza kweli, maskini siye tunajua kweli maana yake,?

Tunachoshabikia kuhusu Muungano hasa nini? Yaani nyie mnachoshabikia hasa nini?Watu wanawaelewa kweli, yaani kweli?  Kama historia ya Zanzibar imeambatana na ukandamizaji wa watu na milipuko mikubwa ya risasi zilizong'oa watawala msonge, sasa 

Tunataka milipuko ya nini hasa…Milipuko ya kuondoa utawala tujitawale wenyewe au tutawaliwe na wajomba zetu wenye rangi zinazofanana na sisi?

Huu ni ubinafsi ninaouona kwanini wenye akili mnawaacha wasiokuwa na akili wakawa wote sawa? Kimsingi mnazidi kuleta mazonge wakati mnajua hakuna usalama kama hakuna

makubaliano yenye maana?

Nini mnataka kitokee Tanzania katika visiwa vya Unguja na Pemba? Utaifa, utaifa gani? Huu utaifa wetu tunataka kuupeleka wapi?

Nani anachochea kiburi cha watu kuacha njia bora za kuzungumza, mashaka gani hasa yanatawala katika vichwa vya wanaoitaka Zanzibar?, Pengine niseme wanaPemba na wanaunguja?Au ni kufuatia maneno ya wapuuzi ambao wamebakisha siku chache za kuishi katika dunia ya kuishi miongo mitatu  miwili ya aksante na miwili ya kukopeshwa?

Kizazi hiki kisije kuwa kama kile kizazi cha laana ambacho kiliona upanga kwa mwenzako ndio njia afadhali kwa sababu si rangi yako, ama hakika Nyerere alikuwa anasema kweli, dhambi ya Uzanzibari na Upemba itatumeza na kisha itatugharimu sana, nini maana yake hasa?!! Ubinafsi na uroho wa madaraka.

Yaani naona shida mbele yetu, shida ambayo tumejaribu kuifuta kwa miaka mingi na tumeshindwa utafikiri tu machangu ndoa, yaani  lile doa,balaa tupu mbona tunajikalifu na kuwa makahaba tusiojali vitu bali ugali tunaoupata, nyie nyie tutaimba mapambizo  tukome!? 

MHHHH!