TIFPA-Media workshop on the Constitutional Review Processes nilikuwapo

Kipande tu cha umuhimu Leo kwa saa zaidi ya nne nilikuwa katika TIFPA-Media workshop on the Constitutional Review Processes   pale Hot...

Kipande tu cha umuhimu

Leo kwa saa zaidi ya nne nilikuwa katika TIFPA-Media workshop on the Constitutional Review Processes  pale Hotel Landmark, Ubungo Dar es Salaam.

Kulikuwa na mambo mengi ambayo yamezungumzwa kuhusu nafasi ya waandishi na vyombo vya habari kusaidia taifa hili kupata katiba mpya.

Mkude akitoa mada kuhusu vionjo vya katiba

Pamoja na hayo kulikuwa na kusemana kwa wazi kuhusu kukosekana kwa weledi na uadilifu miongoni mwa waandishi wa habari katika kufanikisha hilo wakiwa wamejikita zaidi katika kile ambacho unaweza kukitafsiri kama uanaharakati badala ya kazi ambao imejaa uwajibikaji na kuwasaidia watanzania kupata majawabu na wala si majibu.

Baada ya mada zilizowasilishwa na Mzee Phili karashani na Mkude wa TIFPA ilifika wakazi wa mazungumzo na watu kibao walisema maneno  ambayo kama nilivyosema hapo juu.

Yaani Kimsingi katika warsha hiyo au tuseme semina, waandishi wa habari nchini wametakiwa kuacha uanaharakati na kutekeleza wajibu wao katika mchakato wa kuelekea Katiba mpya kwa uadilifu na uzalendo.

Kwangu mimi semina hiyo iliyoandaliwa na Kikundi cha Sheria na Haki za Binadamu cha TIFPA ( Tanzania IFP Alkumni Association) kwa ajili ya wanabari na wasanii jijini Dar es salaam iliona haja ya waandishi kuachana na unaharakati na kufuata weledi wa taaluma na kuwa wadilifu katika kuwapasha habari wananchi kuhusiana na mchakato huo wakiwawezesha na si kuwatia maneno.

Kipanya akizungumzia shida ya upelekaji mbovu wa maneno

Akizungumzia changamoto za waandishi wa habari katika maeneo takribani sita muhimu ya kwenye katiba, msanii wa vikaragosi, Masudi Kipanya  alisema sehemu kubwa ya waandishi wanachukua maneno vibaya na kusababisha mitafaruku hali ambayo haichangii kupatikana kwa katiba  inayostahili. Mahali fulani alisema anajisikia haya kuwa ndani ya tasnia, mimi nikasema tuoshe matongtongo tuendelee na safari kwa namna inavyostahili.

Ngurumo akizungumza

Naye Ensbert Ngurumo alisisitiza haja ya mawazo tofauti kuwa pamoja kwa lengo la kujenga taifa na kuangalia falsafa ya uadilifu katika maisha. Tuko waadilifu kiasi gani, tunaogopa nini? Unaogopa unapokosa uadilifu.

Naye Angel Msangi alisema kwamba wahariri wanatakiwa kusimamia ukweli na uadilifu na kuacha ' bahasha  nene' zinazowafanya kupindisha maadili na kuwatumikia hao wenye bahasha.

Pamoja na kujadili masuala yanayohusu matatizo ya katiba masuala ya sheria na haki za binadamu yalitakiwa kuwa wazi huku mfumo wa muungano ukishauriwa kuangalia histioria, mahitaji ya sasa na siku za usoni.

Tuangalie historia na sasa na yajayo...

Mimi nilisema mfumo wa Muungano unapaswa kuangalia ukweli kuwa dunia inajiunga kwa sababu za kiuchumi, lakini historia pia inazingatia maungano ya watu huku hali ya kijiografia na mabadiliko ya hali ya hewa duniani yanapaswa vile vile kuangaliwa kuhusu Muungano wa Tanzania.

umuhimu wa muungano ama hakika si katika ubinafsi bali ni kwanini tunauhitaji sasa au baadaye katika mazingira ya kiuchumi na hata mabadiliko ya hali ya hewa,urahisi wa kumudu mikikimikiki ya kiuchumi na kijiografia.

viongozi..ukiukaji wa maadili

Lakini nilizungumzia pia suala la viongozi kutokuwa pendwa, hali inayotokana na  kukiuka kwa undani kabisa maadili ya uongozi miongoni mwa viongozi na kukosekana kwa hatua muafaka dhidi ya wakiukaji.  Inakuaje hasa unapokuwa na oifisa wa TRA mathalani ambaye ana ghorofa kubwa katika kazi ambayo ameanza juzi na hana mkopo.

Shivji anatoa majawabu si jibu

Lakini yote ni matokeo ya azimio la Zanzibar lililoua azimio la Arusha lililokuwa likitaka uadilifu na kutojilimbikizia mali.

Aidha nilisema kwamba sioni kama Profesa Shvji anapingana na kauli zake kuhusu muungano lakini anatoa majawabu kwa matatizo yaliyopo na wala si jibu.

Katika semina mchokoza mada mwandishi wa habari veterani Phili Karashani alihimiza kuangaliwa kwa vionjo halisi vya uzalendo kwani mazingira ya sasa yanaonesha kwamba hakuna watanzania wenye ukereketwa.

Alitolea mifano  watu wa tanga wanapozungumza kufanikiwa ni kwenda Mombasa, Arusha ni kwenda Nairobi, Bukoba ni kwenda Kampala, Kigoma ni kwenda Kigau au Bujumbura wakati wa Mbeya ni kwenda Afrika Kusini ila wale wa Mtwara pengine kutokana na vita wao ni kuja dar  na kufanya umachinga wa bidhaa za Kichina badala ya vinyago.

Katika mazingira hayo alihoji uzalendo.

Alisema wengi wa watu wanafikiria nje ya mipaka ya Tanzania kwa mapumziko hata kufanyakazi na hivyo kimantiki hawaitendei haki nchi yao lakini wakitaka yenyewe nchi iwatendee haki.
picha zote na Ahmad Michuzi wa jiachie blogspot