GORDON BROWN AIKUMBUKA TANZANIA

Waziri Mkuu   Mstaafu wa Uingereza, Bw. Gordon Brown amewahimiza viongozi wa Afrika kutilia mkazo   upatikanaji wa elimu   kwa   wananchi...

Waziri Mkuu  Mstaafu wa Uingereza, Bw. Gordon Brown amewahimiza viongozi wa Afrika kutilia mkazo  upatikanaji wa elimu  kwa  wananchi wao ili  pamoja na mambo mengine iwasaidie   kujikinga,  na kudhibiti maambukizo ya  virusi  vinavyosababisha ugonjwa wa ukimwi.

Waziri Mkuu wa   Mstaafu wa Uingereza, Bw. Gordon Brown akizungumza

wakati wa mkutano wa Viongozi wa Umoja wa Afrika walipokuta   Makao Makuu ya Umoja

wa Mataifa

Bw. Brown ametoa wito huo siku ya jumatano, wakati viongozi kutoka nchi mbalimbali za Afrika  walipokutana    kujadili Mpango wa  Umoja wa Afrika ( AU) unaoainisha mikakati endelevu na  ya  muda mrefu   inayolenga katika ugharamia  huduma za upatikanaji wa  matibabu ya ugonjwa wa ukimwi, huduma za kuzuia maambukizo na uboreshaji wa huduma za afya kama inavyoanishwa katika  Malengo ya  Maendeleo ya Millenia ( MDGs).

            Mkutano huo ambao uliwashirikisha  wakuu au wawakilishi wa mashirika ya kimataifa na kikanda kama vile Bank ya Dunia na  Kamisheni ya Jumuia ya  Ulaya. Umefanyika pembezoni mwa Majadiliano ya Mkutano  wa 67wa  Baraza Kuu la Umoja wa Mataifa ulioanza jana,

 Waziri Mkuu  Mstaafu wa Uingereza akawaeleza viongozi hao kwamba, juhudi zao za kukabiliana na ugonjwa wa ukimwi zikishadidishwa na upatikanaji wa elimu kwa kila mtoto au kila raia hapana  shaka kutakuwa na mafanikio makubwa.

            Bw. Brown aliwaeleza wajumbe wa mkutano huo kwamba alipotembelea Tanzania, aliwahi kumpakata mtoto mdogo wa kike ambaye alikuwa amefiwa na wazazi wake wote wawili kwa ugonjwa wa ukimwi.

“Mtoto   pia alikuwa ameathirika  na alikuwa akikabiliwa na   kifua kikuu,  alikuwa  mgonjwa  lakini alikuwa pia mchangamfu, huku  na macho yake yakijaa  matumaini.  Ni matumaini aliyonionyesha mtoto huyo ndiyo yanayonipa matumaini mimi kwamba kwa  pamoja sote tunaweza kuukabili ugonjwa wa Ukimwi” akasistiza.

            Na kuongeza mchango wangu katika mkutano huu, na hasa tunapoendelea kujiwekea mikakati ya kuukabili,  mchango wangu ni huu lazima tuendelee kutilia mkazo elimu, elimu kwa gharama  yoyote ile, kwa sababu itawaokoka na ukimwi” akasisitiza.

Bw. Gordon Brown alitemblea Tanzania mwaka 2005 wakati alipofanya ziara yakuzitembelea nchi nne za Afrika na hivi sasa ni  Mjumbe Maalum wa Umoja wa Mataifa  kuhusu Elimu.

Inakadiriwa kwamba kuna watu 23.5   milioni wanaoishi na virusi vya ukwimu ( VVU)  Barani  Afrika, bara ambalo kwa mujibu wa Mpango wa  Ukimwi wa Umoja wa Mataifa (UNAIDS )ndilo limeathirika zaidi kwa ugonjwa huo.

Aidha takwimu zinaonyesha kwamba  maambukizo mapya ya ya ukimwi barani afrika yamepungua kwa asilimia 22 tangu mwaka 2001. Mwishoni mwa mwaka 2011 inakadiliwa asilimia 56 ya watu waliokuwa wakistahili kupata tiba ya  VVU kusini mwa Jangwa la  Sahara walikuwa  wanapata huduma hiyo pamoja matibabu ya  chanjo na matimau

            Viongozi hao walikubaliana  kuwa na uongozi imara, kuonyesha utashai wa kisiasa pamoja na kuongeza  kasi ya kuwekeza katika upatikanaji wa huduma za afya, upatikanaji wa madawa kwa gharama nafuu na yenye ubora na vilevile kuhakikisha kwamba dawa hizo zinazalishwa    Barani Afrika.

Kwa upande wake Rais wa Benin, Yayi Boni akizungumza kwa nafasi yake kama Mwenyekiti wa AU alieleza kwamba miaka kumi baada ya kupitishwa kwa Azimio la  Abuja juu ya VVU/Ukimwi, Kifua Kikuu na  magonjwa mengine  ya kuambukiza, mamilioni ya maisha ya watu yameokolewa Barani afrika

Akabainisha kwamba wakati uwekezaji kwaajili ya  huduma za afya imeongezeka lakini bado kuna nchi nyingi ambazo  hazijafikisha hata asilimia 15 ya bajeti ya serikali kwa huduma za Afrika.

Aidha baadhi ya watendaji kutoka Banki ya Dunia na  Kamisheni ya Jumuya ya Ulaya, waliwadhibitishia viongozi hao utayari wa kuendelea kushirikiana nao kupitia juhudi zao kukabiliana na ugonjwa huo.

Wazungumzaji kadhaa waliochangia mawazo yao katika mkutano huo, wamesisitiza haja na umuhimu wa kuwekeza katika viwanda vya  kuzalisha dawa za kupunguza makali ya  ugonjwa wa ukimwi, huku wengine wakihimiza ubia kati ya serikali ,  sekta binafasi na asasi zisizo za kiserikali, uwazi na kupambana na rushwa.

Wakati huo huo  ujumbe wa Tanzania katika mkutano huu wa 67 wa  Baraza Kuu la Umoja wa Mataifa, umeendelea kushiriki kikamilifu mikutano inayoendelea ukiwamo ule uanofanyika katika ukumbu mkuu wa  mikutano wa GA.