Murad amuangushas makala UNEC CCM

BAADA YA KUJIELEZA: Mbunge wa Jimbo la Mvomero, Amos Makalla, ambaye pia ni Naibu Waziri wa Habari, Vijana, Utamaduni na Michezo ( ...

BAADA YA KUJIELEZA:

Mbunge wa Jimbo la Mvomero, Amos Makalla, ambaye pia ni Naibu Waziri wa Habari, Vijana, Utamaduni na Michezo ( kulia aliyesimama) na Mgombea mwezake wa nafasi ya Mjumbe wa Halmashauri Kuu ya CCM Wilaya ya Mvomero, Suleiman Saddiq Murad wakijishughuliza na kutuma ujumbe mfupi kwenye simu zao kwa jamaa zao kabla ya kuanza zoezi la upigaji wa kura katika nafasi hiyo, hata hivyo Murad aliibuka



MATOKEO ya Uchaguzi wa nafasi mbalimbali ndani ya  Chama cha Mapinduzi
(CCM) Wilaya ya Mvomero umetoa  tawira ya mwelekeo wa kinyang’anyoro
cha Ubunge pamoja na Mgombea wa Urais ajaye katika Uchaguzi Mkuu wa
Mwaka 2015 .

Haikuwa jambo rahisi kwa wajumbe wa Mkutano Mkuu wa CCM wa Wilaya hiyo
kubashiri mshindi wa moja kwa moja kwenye  kinyang’anyiro cha  Mjumbe
wa Halmashauri Mkuu wa Taifa ya CCM  Wilaya na pia Mwenyekiti.

Mvutano  ulikuwa kwenye nafasi ya NEC Taifa pamoja na Mwenyekiti wa
Wilaya ambapo wajumbe walitumia fursa waliyopewa ya kuwauliza maswali
wagombea  wa nafasi hizo mbili zilizokuwa na vutano uliojaa hamasa za
wajumbe kutoka Kata 23 kati ya 24 zilizoshiriki.

Msimamizi wa Uchaguzi huo, Mjumbe wa Halmashauri Kuu ya CCM Mkoa ,
Iluminata Kapinga alitangaza matokeo hayo alfajiri ya saa nane usiku
wa kuamkia leo ( Sept 30) na kusema kuwa uchaguzi uliendeshwa kwa
amani na utulivu mkubwa tofauti na ilivyofikirika kwa watu wengine.

Katika Nafasi ya Mjumbe wa Halmashauri kuu ya CCM Taifa kupitia Wilaya
ya Mvomero, kinyang’anyiro hicho kilikuwa ni kati ya  Naibu wa Waziri
wa Habari ,Vijana,Utamaduni na Michezo Amos Makalla na Mbunge wa
zamani wa Jimbo hilo, Suleiman Saddiq Murad.

Naibu Waziri huyo  ambaye pia ni Mbunge wa Jimbo hilo , kabla ya
uchaguzi  huo alikuwa Mjumbe wa Halmashauri kuu ya Taifa wakati  mfumo
wa zamani , ambapo alishindwa kutetea nafasi  hiyo kupitia Wliaya ya
Mvomero baada ya kushindwa na Murad  aliyewahi kuwa  Mbunge wa jimbo
hilo.

Katika uchaguzi huo, Murad alipata kura 648  wakati  kwa Makalla
alijipatia 371 , wakati Ofisa Utamaduni wa Wilaya ya Mvomero,  Hellen
Mbezi alipata kura 10 , kura tatu zikiharibika.

 Mkutano huo ambao ulihudhuriwa na wajumbe 1,030, pia walichangua
Abdallah Mtiga kwa kura 674 kuwa Mwenyekiti wa CCM wa Wilaya hiyo na
kumshinda Pololeti Mgema aliyekuwa akitetea kiti hicho kwa kura 374 na
 kura tisa zikiharibika.

Katika  uchaguzi huo, Mkuu wa Wilaya ya Mvomero, Anthony Mtaka
alichaguliwa kuwa miongoni mwa wajumbe watano wa mkutano mkuu wa Taifa
kupitia Wilaya hiyo kutoka kwa  wagombea 15 waliojitosa,huku Yusufu
Kingu(lule) akitetea nafasi ya katibu mwenezi wa wilaya .

Kwa upande wa Wilaya ya Morogoro mjini Kichama , Mbunge wa Jimbo hilo,
 Abdulaziz Abood aliweza kutetea nafasi ya ujumbe wa Halmashauri kuu
ya Taifa kupitia baada ya kuwashinda wapinzani Amina Mhina na Kevin
Njunwa .

Abood alipata kura 784 ,Mhina kura 54 na  Njunwa akiambulia kura
14,wakati  Fikiri Juma  alifanikiwa kutetea nafasi ya  Mwenyekiti wa
Wilaya kwa kipindi kingine cha tatu baada kupata kura 535 akiwadhinda
 Pascal Kianga  kura  355 na Latifa Ganzel kura 14.

Katika Wilaya ya Ulanga, Mwenyekiti wa Halmashauri ya Wilaya hiyo,
Furaha Lilongeri,alichaguliwa kuwa Mjumbe wa Halmashauri kuu ya CCM
Taifa kupitia Wilaya hiyo akiwashinda ,Henry Barua ,Clarence Mgoano na
Agustino Matefu.

Wakati nafasi ya Mwenyekiti wa CCM Wilaya ikinyakuliwa na Halid
Nalyioto baada ya  kuwashinda wenzake wawili , Maximiliun Kidaula na
Fadhili Liguguda .
Chaguzi hizo zilikuwa zikidedelea katika Wilaya nyingine za Mkoa huo
ikiwemo ya  Wilaya ya Morogoro Vijijiji kichama .

Source John nditi wa Habarileo Morogoro