Rais Kikwete azindua Chuo cha Taifa cha Ulinzi

Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama, Mheshimiwa Jakaya Mrisho Kikwete leo, J...

Rais wa Jamhuri ya Muungano wa Tanzania na Amiri Jeshi Mkuu wa Majeshi

ya Ulinzi na Usalama, Mheshimiwa Jakaya Mrisho Kikwete leo, Jumatatu,

Septemba 10, 2012, amezindua rasmi Chuo Cha Taifa la Ulinzi (National

Defence College - NDC) katika sherehe iliyofanyika kwenye chuo hicho

kipya Kunduchi, nje kidogo ya Dar es Salaam.

Rais Jakaya Mrisho  Kikwete akikata utepe kufungua rasmi Chuo cha UIinzi (National Defence College) leo Septemba 10, 2012    Kunduchi jijini Dar es salaam. Kulia kwake  ni  Mkuu wa Majeshi ya Ulinzi Jenerali Davis Mwamunyange na kushoto kwake ni Mkuu wa Chuo hicho, Meja Jenerali Charles Makalala na kushoto kabisa ni aBalozi wa China nchini Tanzania Mhe. Lu Younqing.

Aidha, Rais Kikwete amezindua kozi ya kwanza ya mwaka mmoja kwenye

chuo hicho inayohudhuriwa na wanafunzi 20 kutoka Jeshi la Wananchi wa

Tanzania (JWTZ), Serikali ya Mapinduzi Zanzibar (SMZ), Jeshi la

Polisi, Ofisi ya Rais, Jeshi la Magereza, TAKUKURU na Wizara za Ulinzi

na Jeshi la Kujenga Taifa, Hazina na Nishati na Madini.

Mara baada ya kuwasili kwenye Chuo hicho, Rais Kikwete alizindua Chuo

kwa kukata utepe na baada ya hapo alipewa maelezo kuhusu Chuo na Mkuu

wa Chuo hicho Meja Jenerali Charles Makalala.

Meja Jenerali Makalala amemwambia Amiri Jeshi Mkuu kuwa Tanzania

imekuwa na wazo la kuanzishwa kwa National Defence College tokea

kuundwa kwa Jeshi la Wananchi wa Tanzania mwaka 1964. Chuo hicho ni

mali ya Serikali ya Jamhuri ya Muungano wa Tanzania.

Rais Jakaya Mrisho Kikwete akipeana mikono na Mkuu wa Chuo cha UIinzi (National Defence College) Meja Jenerali Charles Makalala leo Septemba 10, 2012  baada ya kumkabidhi mfano wa funguo kama ishara ya kufungua rasmi chuo hicho kilichopo   Kunduchi jijini Dar es salaam. Kulia  ni  Mkuu wa Majeshi ya Ulinzi Jenerali Davis Mwamunyange

Meja Jenerali amemwambia Rais kuwa ujenzi wa Chuo hicho ambacho

kimegharimiwa na Serikali ya Jamhuri ya Watu wa China ulianza rasmi

Machi 18 mwaka juzi, 2010 na kukamilika Desemba ya mwaka huo kabla

Chuo hicho hakijakabidhiwa kwa JWTZ kwa niaba ya Serikali Jamhauri 10

mwaka jana, 2011.

Amesema kuwa Chuo hicho kitakuwa ni taasisi mtambuka ambayo itakuwa

inafundisha Masuala ya Ulinzi na Mikakati ya Usalama wa Tanzania na

washiriki wake watajikita zaidi kujifunza kwa njia ya mijadala na

majadiliano na maandalizi ya tasnifu (thesis).

Kwa mujibu wa Meja Jenerali Makalala, Chuo hicho kimeanza na kitivu

komoja na inakusudiwa kuwepo kwa vitivyo vitatu kikiwamo Kitivo cha

Mfunzo ya Vita na Kituo cha Mafunzo ya Mikakati na kuwa wanafunzi

wataongezeka kutoka 20 wa sasa hadi kufikia 60.

        Amesema kuwa mbali na wanafunzi wa kawaida, Chuo pia kitatoa kozi

maalum  za muda mfupi kwa makundi maalum kama vile viongozi waandamizi

wa Serikali wakiwemo mawaziri na makatibu wakuu.

Akizindua Chuo hicho, Rais Kikwete ambaye pia ni Amiri Jeshi Mkuu

amesema kuwa leo ni siku ya kukumbukwa kwa sababu ndoto ya miaka

mingi, tokea 1964, ya Tanzania kuwa na National Defence Collenge

hatimaye imetimia.

Rais Jakaya Mrisho  Kikwete  akipozi na wanachuo wa kozi ya kwanza ya mwaka mmoja   katika Chuo cha UIinzi (National Defence College) alichofungua rasmi leo Septemba 10, 2012 Kunduchi jijini Dar es salaam.

Amesema kuwa imechukua muda kujenga chuo hicho kwa sababu Tanzania

ilikuwa bado inakamilisha uundwaji wa mfumo kamili wa mafunzo ya

kijeshi na vyuo vya akutoa mafunzo hayo kutoka ngazi za chini na

isitoshe “mtoto hatembei siku ya kwanza.”

“Wazo la kuanzisha NDC ni ndoto na visheni ya miaka mingi ya Jeshi

letu na Serikali yetu. Ndoto hii ina umri sawa na Jeshi la Wananchi

lenyewe.Viongozi mbali mbali wa JWTZ na viongozi wa Serikali

zilizofuata tokea 1964 wamekuwa na wazo la kuanzishwa kwa Chuo hicho,”

amesema Rais Kikwete.

Rais Kikwete na Amiri Jeshi Mkuu pia ametumia nafasi hiyo

kuwahakikishia Watanzania kuwa Serikali yake itaendelea kuunga mkono

visheni ya miaka mingi ya Tanzania ya kuendelea kuwa na jeshi hodari

na zuri na lenye weledi na uwezo wa kulinda uhuru na mipaka ya Jamhuri

ya Muungano wa Tanzania na usalama wa wananchi wake.

Amesema kuwa kuanzishwa kwa NDC ni kilelezo kingine cha kuthibitisha

visheni hiyo ya miaka mingi.