Mwenyekiti wa Kamati ya Mbio za mbuzi za Hisani Dar es Salaam, Karen Stanley (kulia) akikabidhi mfano wa hundi ya shs milioni 35 k...
 |
| Mwenyekiti
wa Kamati ya Mbio za mbuzi za Hisani Dar es Salaam, Karen Stanley (kulia) akikabidhi mfano wa hundi ya shs milioni 35 kwa Boniventure Mchovu zitakazopewa kwa mashirika ya kujitolea 16 ambazo zilipatikana wakati wa mashindano ya bio za mbuzi yaliyofanyika jijini Dar es Salaam Juni 1 Mwaka huu. Hafla hiyo ilifanyikan jijini Dar es Salaam juzi |
Mbio za Hisani za
Mbuzi za Dar 2013 zimeweka rekodi kwa kufanikiwa kukusanya Shilingi milioni 130
zitakazosaidia mashirika mbalimbali ya hisani ya ndani ya nchi, imeelezwa na
waandaaji leo.
Kwa maana hiyo basi,
hadi sasa mbio hizo zilizoanza tangu mwaka 2001, zimekwishakusanya zaidi ya
Shilingi milioni 790 kwa ajili ya mashiriki zaidi ya 60 ya hisani.
 |
| Mwenyekiti
wa Kamati ya Mbio za mbuzi za Hisani Dar es Salaam, Karen Stanley (katikati aliyevaa gauni jekundu) akipozi kwa picha pamoja na baadhi ya wadhamini na wawakilishi wa mashirika ya hisani 16 katika hafla ya kuyakabidhi mashirika hayo shs milioni 35 zilizopatikana wakati wa mashindano ya mbio za mbuzi yaliyofanyika jijini Dar es Salaam Juni 1 Mwaka huu. Hafla hiyo ilifanyikan jijini Dar es Salaam juzi. |
 |
| Wasanii
wa kikundi cha Kigamboni Community Centre wakitoa burudani katika hafla ya kuvikabidhi vikundi 16 vya hisani msaada wa fedha wa shs milioni 35 zilizopatikana wakati wa mashindano ya mbio za mbuzi ya mwaka huu. Hafla ilifanyika jijini Dar es Salaam juzi |
Takribani watu 4,700 waliingia getini
ili kushuhudia mashindano ya 13 ya Mbio za Mbuzi za Hisani katika Viwanja vya
The Green, Kenyatta Drive jijini Dar es Salaam siku ya Juni 1 mwaka huu.
Mwenyekiti wa Kamati
ya Mbio za Mbuzi, Karen Stanley alisema: “Tuna furaha kubwa sana kutangaza kuwa
kwa mara nyingine mwaka huu pia tumefanikiwa kukusanya fedha nyingi kuliko hata
mwaka jana baada ya kupata Shilingi milioni 130 kwa ajili ya mashirika
yaliyochaguliwa.
“Shukrani ziwaendee
watu 4,700 waliofika kushuhudia tukio hilo kwa mwaka huu, na sasa tunaweza
kusema kwamba tumeongeza idadi ya mashirika yatakayonufaika kwa makusanyo hayo
mwaka 2013 kutoka tisa ya awali hadi 16. Miongoni mwa mashirika hayo, yapo yale
ambayo yamekuwa yakinufaika kila mwaka lakini pia yapo mapya.
“Fedha zinazokusanywa kutokana na
mashindano ya Mbio za Mbuzi huleta mabadiliko kwenye mashirika madogo madogo ya
hisani yasiyo na fursa pana za kupata fedha nyingi. Mbali na furaha na burudani
zinazopatikana siku ya tukio, kitu kikubwa katika mbio hizi ni kusaidia vikundi
na mashirika haya ya hisani yanayopambana kuyabadili maisha ya mtu mmoja mmoja.
“Tunawashukuru maelfu ya watu
walioshiriki, wakatuunga mkono na kuja kwenye tukio hili la burudani, pamoja na
wafadhili kwa moyo wao wa ukarimu na kujitoa kwani bila wao haya yote
yasingefanikiwa.”
Kwa taarifa zaidi tembelea tovuti
yetu www.goatraces.com
Mwisho.
Taarifa kwa
Wahariri:
1.
Mwenyekiti wa Kamati ya Maandalizi ya Mbio za Mbuzi, Karen
Stanley anapatikana kwa mahojiano iwapo atahitajika.
2.
Kwa anayehitaji picha anaweza kutumiwa akiomba.
3. Namna mbio
zilivyofanyika:
Kulikuwa na
mashindano saba tofauti. Kila shindano lilifadhiliwa na Mmiliki wa Mbio.
Mashindano ya mwaka huu yalikuwa;
The Marvelous Mantra Mile
The Southern Sun Fillies Frolic
The Symbion Sweepstakes
The Kilitime Stakes
The Erolink Racy Recruits
The FNB Champions Cup
The Coca-Cola Open Happiness Sweepstakes
Wamiliki wa mbuzi
hulipa kiingilio cha kushindanisha mbuzi (kwa siku hiyo tu) kwenye moja kati ya
mashindano. Iwapo mbuzi wao atashinda, hupata nafasi ya kuweza kushinda zawadi
ya fedha. Marafiki na watu wengine huungana na kuwa wamiliki wa pamoja wa
mbuzi..
Wamiliki
wa Mashindano na Wamiliki wa Mbuzi hupata fursa ya kuingia kwenye eneo zuri na
maalumu lililopewa jina ‘members’ Enclosure’ wanapoweza kuwashangilia mbuzi wao
kwa nafasi huku wakipata vinywaji na chakula bure tukishukuru uhisani wa Southern Sun Hotel, Tanzania
Breweries Ltd (TBL), Tanzania Distilleries Ltd na Coca-cola.
4. Kwa mara ya kwanza Mbio za Mbuzi jijini Dar es Salaam ziliasisiwa na
Paul Joynson-Hicks mwaka 2001. Wazo hilo alilitoa Uganda ambako wanachama wa
jumuiya ya wafanyabiashara walianzisha njia hii ya kukusanya fedha kwa ajili ya
mashirika ya hisani. Hayo yalikuwa ni mabadiliko
kutoka kwenye mbio za farasi za UK Royal Ascot, ili kutumia wanyama wanaopatika
kwa urahisi Afrika Mashariki - mbuzi. Wazo lilikuwa ni kuwa na siku ya kufurahu
wanafamilia wote, lakini pia kukusanya fedha kwa nia njema.
5: Mashirika
yanayonufaika mwaka huu:
- Matumaini Day Care Center for Disabled Children – www.holyuniontanzania.co.ok
- Zanzibar Outreach Program (ZOP) – www.zopzanzibar.org
- Bibi Jann's Centre – www.bibijann.org
- Fahari Zanzibar – www.fahari-zanzibar.com
- CCBRT (Comprehensive Community Based Rehabilitation in Tanzania) - www.ccbrt.org.tz
- Malaika Kids – www.malaika-kids.net
- AC-AF – www.ac-af.com
- Foxes' Community and Wildlife Conservation Trust – www.foxesngo.org
- The Daughters of Mary Immaculate and Collaborators (DMI) - www.dmimissionafrica.org
- Sea Sense – www.seasense.org
- Ramat – www.ramat-tz.org
- Wonder Workshop – www.wonderwelders.org
- Molly’s Network – www.mollysnetwork.org
- Kidzcare Kerege Children’s Home and Pre-School – friends@cats-net.com
- St Paul’s English Medium Primary School – Wilfred_muhogolo@yahoo.com
- The Mango Tree Orphan Trust – www.themangotree.org
COMMENTS