Ubabe wa polisi unakuaje hasa...wakodishwa kumtia mtu adabu wamvunja mikono.. Dar wavuta pikipiki na kuwatumbukiza mtaroni abiria

Mkazi wa Loksale, Samweli Shani (47), akiwa amefungwa POP baada ya kuvunjwa mikono yake na polisi, kushoto ni ndugu yake Gabriel Shani akio...

Mkazi wa Loksale, Samweli Shani (47), akiwa amefungwa POP baada ya kuvunjwa mikono yake na polisi, kushoto ni ndugu yake Gabriel Shani akionyesha picha za X-ray alizopigwa zikionyesha jinsi mikono ilivyovunika.

Kamanda wa polisi mkoani Arusha, Liberatus Sabas, amekiri kupokea malalamiko ya mkazi mmoja wa Loksale wilaya ya Monduli, Samwel Petro Shani (47) ya kuvunjwa mikono yake miwili kutokana na kipigo cha askari Polisi wa kituo cha Leskale.

Hata hivyo amesema kwamba kwa sasa yupo likizo ila aliwasiliana na mkuu wa kituo cha polisi Monduli (OCD) ili kupata undani wa tukio hilo.

Imedaiwa kuwa kipigo hicho kimesababishwa na mfanyabiashara mmoja ambaye alikodisha askari ili kumfunza adabu kwa kushindwa kulipa fedha zake anazomdai zipatazo 250,000.

Hata hivyo mfanyabiashara huyo ambaye alijitambulisha kwa jina la ,Shamimu alipotafutwa kupitia simu yake ya mkononi alikana kukodisha askari wa kumpiga na kumvunja mkono mlalamikaji .

Alisema yeye kama mwananchi alienda kulalamika kituo cha polisi kuhusu deni lake kwamba kilichotokea huko baada ya yeye kuondoka hafahamu.

Kwa mujibu wa maelezo ya mlalamikaji Samweli askari hao hawakutaka kumkamata bali kuitoa roho yake kwani walikuwa wakitumia chuma kinene kumpiga na kumvunja mikono yake miwili huku mwingine alikuwa akimshambulia kwa rungu na mateke.

Alieleza kuwa tukio hilo lilitokea Februali 6,mwaka huu majira ya saa 3 usiku na kwamba aliwatambua askari wawili waliomtesa kwa kipigo kuwa ni Steven na Justini wote ni askari wa kituo hicho cha Loksale.

''Mnamo tarehe 6 mwezi huu majira ya saa 3 usiku,walikuja askari wawili wakiwa wamevaa nguo za kiraia ,walinikuta nimekaa kwenye ukuta nikiwa na kijana mmoja,walinikamata na kunifunga pingu wakiwa wamenikandamizia chini ,walinipiga sana na kunivunja mikono yangu miwili''alisema Samweli

Akisimulia chanzo cha tukio hilo alisema, mfanyabishara Bi. Shamimu alienda katika kituo hicho cha polisi na kuwaeleza askari hao kuwa alikuwa akimdai shilingi 250,000 na kwamba sikuwa nimemlipa deni hilo.

''Ni kweli Shamimu alikuwa akinidai shilingi 250,000 ila nilishamlipa shilingi laki moja na kubaki sh,150,000 ,hizo hela kuna msichana nilimdhamini alikuwa mfanyakazi wa duka lake aliyedai alimwibia,ndipo mimi kwa kuwa nilikuwa na mahusiano na msichana huyo nilikubali kulilipa deni hilo''alisema Samweli

Alisema askari hao walimvamia na kumkaba kabari kisha askari mmoja alimfunga pingu na kuanza kumshambulia kwa kumpiga na rungu na chuma na walipoona wamepoteza fahamu baada ya kumvunja mikono walimkokota hadi kituo cha polisi na kuendelea kumpiga sehemu zingine za mwili ikiwemo miguuni.

''Baadae usiku wakiwa wamenifungia lokapu alikuja mkuu wa kituo na kuniangalia ,alikuta hali yangu ni mbaya na kuondoka bila kusema lolote''alisema.

Hata hivyo askari hao waliingiwa na woga kutokana na hali yake na kuamua kumchukua usiku huo wa manane na kumpeleka katika kituo cha afya kwa ajili ya matibabu.

Alieleza kuwa kesho yake askari hao walimchukua na kumpeleka kituo cha polisi wilaya ya Monduli na kumweka lokapu.

Aliongeza kuwa mkuu wa upelelezi wa wilaya OC CID,aliyemtaja kwa jina moja la Bw. Abichi alimfuata akiwa lokapu na kumwambia kuwa anataka ampatie dhamana ila alitakiwa akubaliane na masharti ya dhamana .

''OC CID aliniambia kuwa nataka nikupatie dhamana ila kwenye maelezo yako unatakiwa ueleze kuwa ulikuwa unatoroka ulinzi halali wa polisi ukiwa na pingu ,na wakati ukikimbia ulianguka na pingu zikakuvunja mikono yako ''alisema bw Shani.

Aliongeza kuwa hakukubaliana na kauli hiyo ndipo OC CID alipoamua kumrudisha lokapu ,ambapo alikaa kwa muda wa siku nne wakimbembeleza akubaliane na maelezo ya polisi .

Alisema kuwa aliamua kuwa na msimamo huo,hadi tarehe 12 walipoamua kumfikisha mahakama ya wilaya ambapo alisomewa shitaka , la kuvunja na kuiba na kujaribu kutoroka polisi akiwa na pingu, suala ambalo ni uongo uliolenga kupoteza haki yake ya kulalamikia jeshi hilo.

Imeandaliwa na Woinde Shiza wa libeneke la kaskazini blog

post hii ya Arusha imenikumbusha zari la leo asubuhi kiasi cha saa tatu kasoro au mbili na nusu hivi katika taa za kuongozea magari tazara, eneo la sub station ya Tanesco hapa dar es salaam.Askari doria (si trafiki) alimvuta mwenyepikipiki akiwa amepakia abiria na matokeo yake pikipiki ikajikita katika msingi wa kwenye mtaro na jamaa wakaumia wote wawili na pikipiki ikaharibika. Lakini cha kushangaza abiria akilalamika kwanini wamevutwa na kuletewa shida, alipigwa pingu na askari aliyeivuta pikipiki ile kwa nyuma (mzaha wa kijinga kabisa huu). Askari huyu alikuwa amebeba bunduki ya G5 kwa wale tuliopitia hii kitu au tuseme Nato 5 (enzi zetu ndivyo tulivyoziita zile bunduki za Nato) hizi bunduki zina tofauti na SMG tulizozoea kitaani kutoka China) ambayo bati yake (kitako) ilikuwa na namba mbili. Askari huyu unaweza kumtambua kwa bunduki hiyo yenye namba 2 lakini amejivalia miwani meusi hakuwa na adabu kabisa anamesababisha ajali mbaya ya pikipiki kisha anajiona anasheria. Pikipiki ya watu imeharibika, abiria na dereva wake mtaharuki na kisha anamtia pingu raia anayelalamika, watu wanamwambia mvue pingu jamaa, yeye anaonekana kutaka kujihami na silaha yake hawa askari vipi hawa? Anakuja trafiki pale naye anashangaa, haelewi, anakuja afisa wa kawaida naye anashangaa lakini jamaa wanamtyia pingu na mwingine anakokota pikipiki ile ambayo steringi imevunjia upande wa kushoto. Madigani imetoka ya mbele na saiti mirror imepasuka. Sijui kama Kapinga anajua hili au kamanda kova na ninaamini jamaa atabambikiwa kesi kama si ya kutoroka chini ya ulinzi wa polisi basi ni wizi. Hii ni tabia ya kishenzi kabisa utamtiaje mtu pingu kumtisha ?Shen**** kabisa. nimekasirika sana kwa uonevu wa askari yule.nilitaka kushuka katika basi konda akanizuia manake angezushiwa seleka nilitaka tu kwenda kusoma namna ya unifiomu yakekimya kimya nijue kufuatilia hili.nimeishia kukariri bati ya bunduki tukwamba ina namba 2 nyeupe kama wanaweza kudhuru watu hawa waliobarabarani hawa kweli si ndio usiku wanakuwa majambazi hawa! . Askari Polisi aliyefundwa hawezi kufanya mambo ya kishenzi hapa, kundi kubwa la wenye pikipiki walisimama, kama wakichukua sheria mkononi kw akuona kilichompata mwenzao inakuaje? Huyu askari aliyekuwa hapo doria anastahili kuchukuiliwa adhabu ili wengine wakome.