baada ya pambano kumalizika
Bondia wa Tanzania  Francis Cheka amepoteza pambano lake dhidi ya  Vijender Singh lililofanyika katika kilinge cha masumbwi cha Thyagaraj  mjini  New Delhi india kwa TKO raundi ya tatu.

kwa mujibu wa Hindustan on Line iliyokuwa inalipeleka pambano hilo mubashara,Vijender Singh kwa ushindi huo amefanikiwao kutetea taji lake la WBO Asia Pacific Super-Middleweight.

Vijender Singh ambaye kwa mara ya kwanza alikuwa anakabiliana na  mpiganaji mwenye rekodi nzuri na aliyepigana mapambano mengi alimmudu Cheka ambaye ni bingwa wa zamani wa dunia.

Kwa mujibu  wa Hindustan, Vijender Singh alimdhibiti Cheka toka kuanza kwa pambano hilo baada ya kufanikiwa kumzuia kuingia maeneo yake ya kujihami .

Baada ya kufanikiwa kumdhibiti Cheka, Vijender akaenda mbele 3-1  kabla ya kusukuma ngumi saba dhidi ya tatu za Cheka katika raundi  ya pili .

Kwenye raundi ya tatu  mpiganaji huyo kutoka Haryana alitawala kilinge kiasi cha  marefarii kuamua  kumpa ushindi wa technical knockout.

Watanzania waliokuwapo pale wakiendesha heka heka wanasema ni mchezo na mmoja alisema  pamoja hekaheka zetu zote na uchache tu katika kumpa sapoti tulipopigwa tulikuwa wapole.

Huu utakuwa ushindi wa 7 wa Vijender Singh kwa TKO na ushindi wa nane tangu alipoanza kuzipiga ngumi za kulipwa.

Cheka ambaye ni bingwa wa World Boxing Federation (WBF) Super Middleweight ameshashinda mapambano 32 kati ya 43 na katika ushindi huo amewatandika wengine kwa TKO mara 17 kabla ya yeye kuchomelewa leo kwa TKO.

Baada ya pambano hilo kumaliza Singh alisema Cheka alikuwa anazungumza na yeye aliamua kwamba ngumi zake ndizo zitakazoungumza

Post a Comment

Find Us On Facebook

TANGAZA NASI LEO