Wasaidieni wananchi kuondokana na adha za maisha, Vodacom waambiwa

Mwenyekiti wa kamati ya   kudumu ya Bunge ya Maendeleo ya Miundombinu Mhe.Prof Norman Sigalla  (katikati)akisisitiza  jambo kwa Uongozi wa...

Mwenyekiti wa kamati ya  kudumu ya Bunge ya Maendeleo ya Miundombinu Mhe.Prof Norman Sigalla (katikati)akisisitiza  jambo kwa Uongozi wa Vodacom Tanzania PLC wakati   kamati hiyo ilipofanya ziara ya kikazi  makao makuu ya kampuni ya hiyo Mlimani city jijini Dar es Salaam leo kwa lengo la kujifunza na kujionea shughuli mbalimbali  zinazofanywa na kamapuni hiyo,kushoto  ni Naibu Waziri wa Ujenzi, Uchukuzi na Mawasiliano Eng. Edwin Ngonyani  na Kulia ni Kaimu Mkurugenzi wa kampuni hiyo,Alec Mulongo.

kamati ya  kudumu ya Bunge ya Maendeleo ya Miundombinu imeiasa kampuni ya mawasiliano ya Vodacom Tanzania PLC na kampuni nyinginezo zinazotoa huduma za mawasiliano nchini kuendelea kubuni teknolojia zenye kurahisisha maisha ya watanzania pia kuhakikisha inasambaza huduma zake nchini pote na kwa gharama nafuu.

Akiongea kwa niaba ya kamati hiyo baada ya kufanya ziara ya kikazi mwishoni mwa wiki katika makao makuu ya kampuni hiyo Mlimani city jijini Dar es Salaam,Mwenyekiti wa kamati hiyo, Mhe.Prof Norman Sigalla,alisema kuwa sekta ya mawasiliano inategemewa kwa kiasi kikubwa katika kuleta mabadiliko ya maendeleo nchini.

Alisema kuwa mbali na sekta hii kuweza kuongeza pato la taifa kwa njia ya kodi pia inategemewa katika  kuchochea huduma za maendeleo nchini kwa kuwa mawasiliano yakiwa mazuri ni rahisi kuendelea na alitoa wito kwa  Vodacom kuendelea kubuni huduma za kurahisisha maisha kupitia mtandao wake wa simu na kuhakikisha huduma zake zinawafikia watanzania wote hususani wanaoishi maeneo ya vijini ambako bado kuna changamoto ya kupata mawasiliano bora.

Kwa upande wake Kaimu Mkurugenzi wa kampuni hiyo,Alec Mulongo,aliwaelezea wajumbe wa kamati hiyo mikakati mbalimbali ya kampuni ya hiyo ya kuboresha zaidi huduma zake ikiwemo kuwamilikisha watanzania asilimia 25%ikiwa ni utekelezaji wa sheria ya EPOCA na sheria ya fedha yam waka 2016.

Bw.Mulongo alisema kuwa Vodacom ni mtandao mkubwa unaoongoza kuwa na watumiaji wengi nchini na huduma zake mbalimbali kupitia mtandao huu zinaendelea kubadilisha maisha ya watanzania kwa kuwarahisishia maisha.

“Tunayo huduma ya M-Pesa ambayo inatumiwa na watanzania wengi katika huduma za kifedha kwa kufanya mihamala ya malipo mbalimbali ambayo imerahisisha maisha ya watanzania na huduma nyinginezo nyingi ikiwemo intanenti yenye kasi kubwa lengo letu likiwa ni kuwapeleka watanzania katika ulimwengu wa kidigitali na tutaendelea kubuni huduma nyingine nyingi kupitia mtandao wetu”.Alisema.

Mulonga mbali na kuelezea huduma za Vodacom alisema kuwa kampuni imekuwa mstari wa mbele kuunga mkono jitihada za serikali za kupunguza tatizo la ajira nchini ambapo kupitia uwekezaji wake imeweza kuajiri idadi kubwa ya watanzania kwa kuwapatia ajira za moja kwa moja na zisizo moja kwa moja pia kupitia  taasisi yake ya kusaidia masuala ya kujamii ya Vodacom Tanzania Foundation imeweza kusaidia kutatua changamoto mbalimbali zilizopo kwenye jamii hususani katika sekta ya elimu na afya.