Katibu mtendaji wa TAMFI Bi Winnie Terry akitia saini Mkataba wa makubaliano (MOU) kati ya taasisi yake na mwakilishi wa taasisi ya ...
 |
|
Na Mwandishi wetu
SHIRIKISHO la Taasisi Ndogo za Huduma za Kifedha Tanzania (TAMFI), Water.org na taasisi tisa za huduma za fedha wamesaini makubaliano ya kuanza kutoa mikopo itakayowezesha upatikanaji wa huduma za majisafi na usafi wa mazingira ngazi ya kaya.
Makubaliano hayo yaliyofikiwa mwishoni mwa wiki yamo katika mpango unaojulikana kwa jina la Water Credit Adoption Programme (WCAD) uliofikiwa kati ya taasisi hizo na za huduma ndogo ya kifedha.
Taasisi hizo tisa ni Victoria Finance Plc, Anastella Microfinance, K-Finance, HP Microfinance, Rukwa Farmers, Sama Kaya Saccos, Self MicroFinance Fund, MMCL Finance na Makazi Bora Finance.
Kabla ya kutiliana saini mikataba hiyo wadau hao walishiriki mdahalo uliojadili Ripoti ya Tathmini ya Soko la Ugavi wa Majisafi na Usafi wa Mazingira (WSS) inayohusisha Tanzania Bara na Zanzibar.
Ripoti hiyo imeweka wazi kuwa maendeleo ya afya na uchumi yanafungamana katika upatikanaji wa huduma za majisafi na maji taka hivyo ni vyema kama taasisi hizo zitajihusisha na upatikanaji wa huduma hizo nchini Tanzania.
 |
| Makamu Mwenyekiti wa Bodi ya Shirikisho la Taasisi za huduma ndogo za kifedha (TAMFI), Bw. Altemius Millinga akitoa angalizo kwa wadau walioshiriki kujadili ripoti ya kwanza ya kihistoria ya Tathimini ya Usambazaji maji safi na usafi wa mazingira Tanzania bara na Zanzibar . |
 |
| Mwakilishi wa taasisi ya kimataifa inayosaidia kupatikana kwa huduma za maji safi na maji taka Water.org, Bi Pendo Massawe, akielezea wadau wa masuala ya maji na mazingira utayari wa watanzania kutumia mikopo kujipatia huduma hizo. |
Kwa mujibu wa Makamu Mwenyekiti wa Bodi ya Wakurugenzi ya TAMFI, Altemius Millinga kutiwa saini kwa mkataba huo kulihitimisha haja ya kuwa na mikopo kwa ajili ya huduma za maji na mahitaji ya usafi wa mazingira.
"Tunafanya kazi na Water.org, shirika lisilo la faida la kimataifa ili kuwezesha taasisi za kifedha kutoa mikpo ya kununua bidhaa za kutengeneza miundmbinu ya maji safi na majitaka kwa bei nafuu," alisema.
Water.Org Water Credit Adoption Programme (WCAD), hutoa mikopo midogo midogo kuwezesha watu kupata maji salama na kuboresha usafi wa mazingira wakianzia pale ambapo serikali imekomea.
“Huduma za usambazaji maji na usafi wa mazingira ni biashara inayowezekana ambayo ina sifa ya kupata mikopo katika ngazi ya kaya. Serikali imefanya mengi katika utoaji wa huduma ya maji na usafi wa mazingira, lakini kuna maeneo ambayo hayana huduma ya maji safi au maji taka. Hapo ndipo tunapoingia,” alisema Millinga.
Kwa mujibu wa Dira ya Maendeleo 2025, Tanzania inatarajia kufikia asilimia 95 ya maji safi mijini na asilimia 85 vijijini ifikapo mwaka 2025.
Mwakilishi wa Water.Org nchini Tanzania, Pendo Massawe alishukuru jitihada kubwa za serikali katika kuendeleza miundombinu ya maji safi na salama.
Katibu Mtendaji wa Shirikisho la taasisi ya huduma
ndogo za kifedha (TAMFI) Winnie Terry akifafanua jambo katika warsha ya kujadili ripoti ya kwanza ya
kihistoria ya Tathimini ya Usambazaji maji safi na usafi wa mazingira Tanzania
bara na Zanzibar. 
Katibu mtendaji wa TAMFI Bi Winnie Terry akitia saini Mkataba wa makubaliano
(MOU) kati ya taasisi yake na mwakilishi wa taasisi ya VICTORIA FINANCE PLC, Bw
Hermenegild Kiyagi. 
Katibu Mtendaji wa TAMFI Bi Winnie Terry akibadilishana hati ya mkataba
wa makubaliano (MOU) kati ya taasisi yake na mwakilishi wa taasisi ya SELF
MICROFINANCE FUND, Bi Cecilia Mwenisongole. 
Katibu mtendaji wa TAMFI bi Winnie Terry akitia saini mkataba wa makubaliano
(MOU) kati ya taasisi yake na mwakilishi wa taasisi ya SAME KAYA LTD, Bi Elvera
A. Mdee 
Katibu mtendaji wa TAMFI Bi Winnie Terry akitia saini Mkataba wa makubaliano
(MOU) kati ya taasisi yake na mwakilishi wa taasisi ya RUKWA FARMERS LTD, Bi Femiotha
Daniel. 
Katibu mtendaji wa TAMFI Bi Winnie Terry akitia saini mkataba wa makubaliano
(MOU) kati ya taasisi yake na mwakilishi wa taasisi ya HP MICROFINANCE, Bi
Pendo Bidya 
Katibu mtendaji wa TAMFI Bi Winnie Terry akitia saini mkataba wa makubaliano
(MOU) kati ya taasisi yake na mwakilishi wa taasisi K-FINANCE LTD, Judith Minzi.
"Mikopo midogo kwa watu binafsi na jamii hufanya mabadiliko makubwa katika maisha yao - inaweza kuboresha afya zao na hatimaye hali ya kiuchumi," alisema.
Taarifa ya Tathmini ya Soko la Majisafi na Usafi wa Mazingira (WSS) iliyowasilishwa na Mkurugenzi Mkuu wa Perfect Approach,Emmanuel Kanagisa ilibainisha kuwa kaya nyingi hutumia kati ya Sh 1,000 hadi Sh 10,000 kwa mwezi kwa ajili ya huduma ya maji.
Kwa mujibu wa ripoti hiyo, uzalishaji wa maji kwa mamlaka zote za maji nchini unakidhi asilimia 59 ya mahitaji ya maji (2019/20) na karibu 41% sawa na mahitaji ya maji zaidi ya milioni 24 ya watu bado hayajafikiwa. Ripoti inasema wakati mahitaji ya maji yaliongezeka kwa takriban 19%, uwezo wa kusakinisha ulikua kwa 10% na uzalishaji kwa 3% tu (2017/18 - 2019/20).
Ripoti hiyo inaonyesha kuwa kuna haja ya taasisi za kifedha kutoa mikopo nafuu kwa wananchi ili kupata maji salama na kujenga mifumo ya maji taka.
mwisho
COMMENTS