BI. Selina Mussa akionesha namna bora ya kumnyonyesha mtoto wake Brighton Anderson (miezi mitano) kama moja ya kutoa elimu kwa wakina ...
 |
| BI. Selina Mussa akionesha namna bora ya
kumnyonyesha mtoto wake Brighton Anderson (miezi mitano) kama moja ya kutoa elimu kwa wakina mama waliofika kwenye sherehe za uzinduzi wa Maadhimisho ya 23 ya wiki ya unyonyeshaji maziwa ya mama kitaifa zilizofanyika leo kwenye kijiji cha Nkwenda Wilayani Chamwino Mkoani Dodoma. |
Na Mwandishi
wetu Dodoma
Wataalamu na
watoa huduma za Afya wametakiwa kutoa elimu na kujadiliana na wanawake mikakati
mbalimbali itakayosaidia kufanikisha unyonyeshaji na kazi kwa pamoja mara mama
anapomaliza likizo ya uzazi.
Kauli hiyo
imetolewa na mkuu wa mkoa wa Dodoma Chiku Gallawa leo wakati wa uzinduzi wa
maadhimisho ya 23 ya wiki ya unyonyeshaji maziwa ya mama kitaifa mkoani Dodoma.
Katika
maadhimisho hayo yaliyofanyika wilayani Chamwino, kijijini Nkwenda, Mkuu huyo aidha,
alisisitiza kuwepo kwa taratibu salama na sahihi za utunzaji wa watoto ambazo
hazikiuki sheria au kanuni za uuzaji na usambazaji wa maziwa na vyakula vya
watoto wachanga na wadogo ili kupunguza utapiamlo baina ya watoto na hata
wanawake walio katika umri wa kuzaa (15 – 49).
 |
| Mwakilishi wa Mkuu wa Mkoa wa Dodoma ambaye ni
Katibu Tawala wa Mkoa wa Dodoma Ndg. Rehema Madenge akiwasilisha hotuba ya uzinduzi wa Maadhimisho ya 23 ya wiki ya unyonyeshaji maziwa ya mama kitaifa yaliyofanyika leo kwenye kijiji cha Nkwenda Wilayani Chamwino Mkoani Dodoma. |
Katrika
hotuba yake iliyosomwa na Katibu tawala wa mkoa wa Dodoma Rehema Madenge, mkuu
huyo wa mkoa alisema kauli mbiu ya ”UNYONYESHAJI NA KAZI: TUHAKIKISHE
INAWEZEKANA”inatakiwa itekelezwe kwa vitendo kwa kuwa inalenga kuwasaidia
wanawake WOTE wanaofanya kazi katika sekta rasmi na isiyo rasmi kutunza watoto
wao ipasavyo pamoja na kufanya kazi.
”Siku za hivi
karibuni, kumekuwepo na mabadiliko ya haraka katika hali ya Uchumi na kazi
Duniani ambayo yameathiri hali ya afya na maisha ya wanawake, watoto na familia
zao; hivyo, ujumbe wa mwaka huu unatuelekeza kulinda, kuendeleza na kusaidia
unyonyeshaji unaofaa.” Alisema.
Mkuu huyo
pamoja na kuhimiza unyonyeshaji watoto maziwa ya mama pekee kwa kipindi cha
miezi sita tangu mtoto alipozaliwa.
Aliwapongeza wadau
wote ambao tayari wameshaanza kutoa misaada mbalimbali kusaidia unyonyeshaji.
”Napenda kutumia
nafasi hii kuwahimiza waajiri kutoa nafasi maalum kwa wafanyakazi wanawake
wanaonyonyesha kuendelea kufanya hivyo
mahali pa kazi (Sekta rasmi na zisizo rasmi) kwa mujibu wa sheria za kazi
zilizopo.” Alisema.
Aidha
aliitaka jamii kuweka mikakati ya kuwapunguzia kazi nyingi na nzito wanawake
wanaonyonyesha walioko majumbani na mashambani ili nao waweze kufanya kazi na
kunyonyesha watoto wao ipasavyo.
 |
| Wanafunzi wa shule ya msingi Nkwenda
wakiserebuka nyimbo za uhamasishaji wakati wa sherehe za uzinduzi wa Maadhimisho ya 23 ya wiki ya unyonyeshaji maziwa ya mama kitaifa zilizofanyika leo kwenye kijiji cha Nkwenda Wilayani Chamwino Mkoani Dodoma. |
 |
| Mgeni Rasmi Katibu Tawala wa Mkoa wa Dodoma Ndg.
Rehema Madenge (kulia) akipatiwa maelezo ya chakula bora kwa wakina mama wakati wakati wa sherehe za uzinduzi wa Maadhimisho ya 23 ya wiki ya unyonyeshaji maziwa ya mama kitaifa zilizofanyika leo kwenye kijiji cha Nkwenda Wilayani Chamwino Mkoani Dodoma. |
 |
| Viongozi wa Mkoa wa Dodoma na Wizara ya Afya na
Ustawi wa Jamii wakiwa kwenye picha ya pamoja na baadhi ya watoto wenye afya bora walionyonyeshwa maziwa ya mama pekee bila kuchanganyiwa chakula kingine hadi walipofikisha umri wa miezi sita wakati wa sherehe za uzinduzi wa Maadhimisho ya 23 ya wiki ya unyonyeshaji maziwa ya mama kitaifa zilizofanyika leo kwenye kijiji cha Nkwenda Wilayani Chamwino Mkoani Dodoma. |
 |
| Viongozi wa Mkoa wa Dodoma na Wizara ya Afya na
Ustawi wa Jamii wakiwa kwenye picha ya pamoja na baadhi ya watoto wenye afya bora walionyonyeshwa maziwa ya mama pekee bila kuchanganyiwa chakula kingine hadi walipofikisha umri wa miezi sita wakati wa sherehe za uzinduzi wa Maadhimisho ya 23 ya wiki ya unyonyeshaji maziwa ya mama kitaifa zilizofanyika leo kwenye kijiji cha Nkwenda Wilayani Chamwino Mkoani Dodoma. |
 |
|
Baadhi ya wananchi waliohudhuria sherehe za Uzinduzi wa
maadhimisho ya 23
ya wiki ya unyonyeshaji maziwa ya mama kitaifa uliofanyika leo kwenye kijiji cha Nkwenda Wilayani Chamwino Mkoani Dodoma. |
 |
| Nahodha wa timu ya mpira wa miguu ya small boys
kutoka kijiji cha Nhinhi Chamwino Adson Amos akipokea zawadi ya Jezi kutoka kwa mgeni rasmi baada ya timu yake kuibuka mshindi kwenye mashindano ya uzinduzi wa Maadhimisho ya 23 ya wiki ya unyonyeshaji maziwa ya mama kitaifa yaliyofanyika leo kwenye kijiji cha Nkwenda Wilayani Chamwino Mkoani Dodoma. |
Akizungungumzia
Utekelezaji wa haki za uzazi katika sekta rasmi,aliwakumbusha waajiri wote
nchini, kuzingatie sheria ya kazi Namba 6 ya mwaka 2007 ambayo imeainisha haki
mbalimbali za uzazi ikiwemo likizo ya uzazi ya siku 84 (wiki 12) kwa mama
aliyejifungua mtoto mmoja, na siku 100 kwa mama aliyejifungua mapacha.
Vilevile sheria hiyo imesisitiza likizo ya uzazi ya
siku 3 kwa mume au mwenza na masaa mawili ya kunyonyesha wakati wa kazi kila
siku hadi mtoto anapotimiza miezi sita au zaidi.
Pamoja na
haki hizo zilizoainishwa, sheria hiyo pia inasisitiza wanawake waliopata likizo
ya uzazi baada ya kumaliza likizo hiyo, wanastahili pia kupata likizo ya mwezi
ya siku 28.
Sheria hiyo pia inakataza mwajiri kumpa
mwanamke mjamzito au anayenyonyesha kazi ambazo zinahatarisha afya yake au ya
mtoto, inakataza kumwachisha kazi mwanamke kutokana na sababu zinazohusiana na
ujauzito au kunyonyesha na kumpangia
mama kazi za usiku.
Source:Sifa lubasi, Picha na Jery Mwakyoma wa Ofisi ya Mkuu wa mkoa
COMMENTS