kituo kikuu cha mabasi dodoma wanafunzi wa diploma maalumu (for record purposes) before Bunge Jumapili

KITUO Kikuu cha mabasi yaendayo mikoani mjini hapa jana kilifurika wanafunzi kutoka Chuo kikuu cha Dodoma ambao wametakiwa kuondoka...

KITUO Kikuu cha mabasi yaendayo mikoani mjini hapa jana kilifurika

wanafunzi kutoka Chuo kikuu cha Dodoma ambao wametakiwa kuondoka katika

kipindi cha saa 36 ya tangazo la chuo lililobandikwa jana na Polisi.

Kuondoka kwa wanafunzi hao kunaelezwa kufuatia mgogoro unaofukuta kwa wiki

kadhaa kati ya walimu na chuo uliosababisha wanafunzi wa dipoma  maalum ya

walimu wa shule ya msingi na  pia sekondari kukosa masomo.

Wanafunzi hao takribani 4,000 walionekana kujaza kituo hicho hali

iliyoshutua wakazi wa Dodoma.

“Tunarudi nyumbani kwetu hatujui hatima yetu, hatujui ni lini tunarudi.

Tunaamini kuwa serikali itasema neno lolote hapo” alisema mmoja wa

wanafunzi ambaye hakutaka kutajwa lakini alisema yeye anarejea nyumbani

kwao Morogoro.

Alisema Chuoni kwao  kumekuwa na mgogoro kati ya walimu na chuo hicho

kuhusu mafunzo ya Diploma maalumu kwa muda mrefu ila ulikuwa kimya kimya

kiasi cha kuwafanya wahoji elimu yao.

‘Tulienda kuuliza baada ya kuona hali katika ufundishaji si shwari na

majibu yake ni kutakiwa kuondoka katika chuo hicho mara moja mpaka

tutakapoambiwa vinginevyo.” Anasema mwanafunzi huyo aliyeomba kuhifadhiwa

jina lake.

Wanafunzi wengine wakizungumza huku wakifafanua mazingira yao walisema

kwamba wanafundishwa na walimu wanaofundisha digrii ya kwanza na ya pili,

walimu ambao wanaonekana kuelemewa na hivyo kutokuwa na ratiba ya kueleweka

ya masomo yao.

Na baada ya kutokuwa na masomo mfulululizo wanafunzi hao walienda kuuliza

manejimenti hatima yao na kujikuta wakipewa agizo la kuondoka.

“ Sisi tunadhani tuna haki ya kupata eimu tuliyoitiwa. Ingelifaa kama

tungelikuwa na walimu wetu wenyewe, hawa wa kuaazima wanatuchanganya sana.

Nadhani hatuna walimu wa kutosha, na hatuna ratiba kutokana na hilo” alisema

mwanafunzi mwingine.

Imeelezwa kuwa mawaziri wanaoshughulikia elimu walishawahi kufika chuoni

hapo kwa mazungumzo na uongozi wa chuo bila kuwaambia wanafunzi

kinachoendelea ila tangazo hilo lililobandikwa na Polisi na baadae viongozi

wa wanafunzi kuwashauri kuondoka kwa amani.

Kiongozi wa wanafunzi kitivo cha Elimu, Mvungi Kombo akizungumza na gazeti

hili amesema kwamba  wanafunzi hao wameondoka baada ya tangazo la serikali

ambalo limeiagiza menejimenti kuwataarifu wanafunzi hao kuondoka chuo na

kurejea makwao mpaka watakapotaarifiwa tena.

Alisema ingawa hana idadi kamili ya wanafunzi wanaochukua diploma ambao

alisema ni zaidi ya 3000 na si chini ya 4000, kuondolewa kwao hakukufanywa

na chuo bali kutoka wizarani na hivyo chuo haijawapa taarifa sababu hasa

nini.

Hata hivyo alisema kwamba wanafunzi hao ambao wapo katika mpango wa masomo

wa miaka mitatu wakichukua diploma maalum kwa walimu wa sekondari na wa

shule ya msingi , wamekuwa katika hali ya sintofahamu kwa kuwa wamekuwa

hawapati mafunzo kama walivyopangiwa.

Alisema wanafunzi hao walipoona hali sivyo walijiunga na kwenda kuulizia

hali ya kutotosha kwa walimu, kutofundishwa kwa wakati na kwamba walikuwa

hawajajajibiwa.

“Kutokana na oda (amri) kutoka juu Chuo wanasema hawawezi wakazungumzia na

serikali ya wanafunzi itatoa taarifa baadae kuhusiana na suala hio baada ya

kupata taarifa za uhakika nini kinatokea” alisema Mvungi.

Hata hivyo Rais wa serikali ya wanafunzi Chuo kikuu cha UDOM, Bruno Julian

alipofuatwa kueleza zaidi alisema kwamba anatathmini hali ilivyo kwani yeye

ameingia madarakani juzi.

“ Sikia Mwandishi wa habari.Kweli kunaonekana kuna changamoto. Lakini hali

isikuzwe hivyo. Tutatoa taarifa baada ya kuka na uliangalia suala hili kwa

makini’ Ila nikuambie tu kwamba hali ni shwari tumeongea na wenzetu

wametuelewa na wanaondoka chuoni kama walivyotakiwa” alisema Bruno.

Alisema masomo kwa vitivo vingine na pamoja na cha elimu ambao wanachukua

digrii mbalimbali  yanaendelea kama kawaida.

Juhudi za kumpata Makamu mkuu wa chuo Profesa Kikula Idris kufafanua madai

mbalimbali haikufanikiwa kwani simu yake 0754 381 935 imekuwa ikiita tu

bila kupokelewa.

SOURCE: Na Sifa Lubasi, Dodoma