TPDC na Energetech-Tantel washusha msasa Sekta ya Gesi!

Mkurugenzi wa Shirika la Maendeleo ya Petroli (TPDC), Mussa Makame,(kushoto), Mwenyekiti wa Tantel, Moshe Schlisser, (katikati) na Ofisa M...

Mkurugenzi wa Shirika la Maendeleo ya Petroli (TPDC), Mussa Makame,(kushoto), Mwenyekiti wa Tantel, Moshe Schlisser, (katikati) na Ofisa Mtendaji Mkuu wa Energetech-Tantel, Alistair Naiken wakiwa wameshikilia mikataba yao baada ya kutia saini hati ya Makubaliano jijini Dar es salaam jana. Energetech ni kampuni yenye makao makuu yake nchi za Falme za Kiarabu. (Na Mpigapicha Wetu)

Na Beda Msimbe wa BSKY Media

Kampuni ya Energetech yenye makao makuu yake Dubai, Falme za Kiarabu (UAE), kupitia kampuni yake tanzu ya Energetech-Tantel zimetiliana saini Hati ya Makubaliano (MOU)na Shirika la Maendeleo ya Petroli Tanzania (TPDC) itakayowezesha usindikaji na usafirishaji wa gesi asilia nchini kote kwa mfumo wa kimiminika.

Utiaji saini wa tukio hilo la kihistoria, ulishuhudiwa Kamishna wa Petroli na Gesi, Wizara ya Nishati nchini Tanzania Bw. Goodluck Shirima, akiwakilisha Naibu Waziri Mkuu na Waziri wa Nishati, Mheshimiwa Dk. Doto Biteko.

Mradi huo, unaokadiriwa kuwa na thamani ya Dola za Marekani milioni 80–100, unatarajiwa kuanza kazi baada ya miezi 12 .Awamu ya kwanza itahusisha ujenzi wa mtambo wa LNG wa kisasa utakaobadili gesi kuwa kimiminika ili iweze kusafirishwa katika mitungi maalumu.

Kwa mujibu wa Shirima uzalishaji wa awali unakadiriwa kuwa kati ya futi za ujazo milioni 20 hadi 30 (scf) kwa siku, utatanuka kwa kadri ujenzi wa kiwanda unavyoendelea hadi kufikia zaidi ya futi za ujazo milioni 100, ili kukidhi kukidhi mahitaji ya nishati yanayokua.

Alisema kuwepo kwa SGR kutawezesha mikoa ya kati kupata gesi hiyo mapema zaidi huku nchi za Malawi na Zambia zikihitaji gesi hiyo katika migodui ambayo inatumia mafuta mazito kuzalisha nishati.

Alisema gesi hiyo ambayo itasafirishwa kama kimiminika itafikishwa kwa wateja baada ya kubadilishwa tena katika kituo chake cha mapokezi.

Aidha Shirika alisema ushirikiano wa TPDC na kampuni hiyo ni matokeo ya ubadilishaji wa sera na sheria na na maelekezo ya Rais Samia Suluhu Hassan ya kuifanya Tanzania kama kitovu cha nishati safi.

MoU hiyo inaelekeza mpango kazi kabambe wa miaka miwili unaojumuisha tafiti , vibali muhimu, uhandisi wa kina, upatikanaji wa fedha, na hatimaye, uzalishaji wa kimiminika cha gesi( LNG).

Naye Mkurugenzi Mtendaji, TPDC Bw. Mussa Makame alisema wanamatumainij makubwa ya mradi huo kwanik mwekezaji ameonesha nia ya kutaka kuaminiwa.

"Katika TPDC, tunashabikia ushirikiano kati ya sekta ya umma na binafsi kama huu unaotoa suluhisho kwa Watanzania," alisema Makame.

Aidha alisema kwamba mkataba huo umelenga kuwezesha nishati safi kuwafikia wananchi kwa kasi badala ya matumizi ya bomba ambapo mradi wake unakwenda polepole sana.

Gesi kwa matumizi ya na viwandani kwa sasa inapatikana kwa njia ya bomba katika mikoa minne tu ya Lindi, Mtwara, Pwani na Dar es salaam.

“Tunajivunia kushirikiana na Energetech-Tantel katika uzalishaji wa gesi kwani ni muhimu kwa mkakati wetu kuendeleza matumizi makubwa zaidi ya gesi asili nchini,"alisema Makame.

Ofisa Mtendaji Mkuu wa Energetech-Tantel. Bw. Alistair Naiken alisema kuwa mkataba huo sio wa ushirikiano tu bali ni ahadi ya pamoja ya kubadilisha sekta ya nishati Tanzania.

"Tunajenga suluhisho za nishati halisi ambazo zitabadilisha jamii, tukitoa gesi mahali na kwa wakati tukiipeleka inapohitajika zaidi, huku lengo kuu ni kuhakikisha Watanzania wanatumia nishati hii kwanza, hasa wateja wa viwandani, kama nishati safi ."

Rais na COO, Tantel Holdings,Bw. Daniel Gabai, akitoa maoni yake amesema: "Tanzania ni nchi yenye matumaini zaidi Afrika Mashariki. Katika Tantel Holdings, hatuwekezi tu katika uwezekano bali katika watu, tukikumbatia changamoto kubwa za miundombinu.

“Tunaamini Tanzania itakuwa nguvu inayoongoza kwa ukuaji wa kiuchumi barani Afrika katika muongo ujao, na mradi huu utakuwa mradi bora zaidi wa nishati safi barani, ukiwahudumia soko la ndani na kikanda."

"Upatikanaji wa suluhisho za nishati ni muhimu kwa maendeleo ya nchi yoyote," alihitimisha Bw. Moshe Schlisser, Mwenyekiti, Tantel Holdings.

Mradi huu utatoa ajira za moja kwa moja kwa maelfu ya Watanzania na kwa njia isiyo ya moja kwa moja kuendesha ukuaji wa viwanda,

mwisho