KUIMARISHA SEKTA YA AFYA - GEITA MJINI MHESHIMIWA ENG. CHACHA MWITA WAMBURA (GEITA MJINI) Atauliza:- Je, Serikali ina mpango gan...
KUIMARISHA SEKTA
YA AFYA - GEITA MJINI
MHESHIMIWA
ENG. CHACHA MWITA WAMBURA (GEITA MJINI) Atauliza:-
Je,
Serikali ina mpango gani wa kuimarisha sekta ya Afya kwa kuongeza Vituo vya
Afya, Madaktari, Wauguzi na Vifaa tiba - Geita Mjini.
WAZIRI
WA NCHI, OFISI YA WAZIRI MKUU (TAMISEMI) Atajibu:-
Mheshimiwa
Spika, Serikali imeendeleta kuimalisha huduma za afya hususani Ngazi ya Afya ya
Msingi kwa kujenga/kukarabati miundombinu ya afya, kuajiri watumishi wa Kada za
Afya pamoja na kutenga fedha kwa ajili ya ununuzi wa dawa na Vifaa Tiba.
Mheshimiwa
Spika, Katika mwaka wa fedha 2024/25 na 2025/26 Serikali imeajiri jumla ya
watumishi wa Kada ya Afya 11,198 ambapo watumishi wa Kada ya Uuguzi
walioajiriwa walikuwa 6,450 na Halmashauri ya Mji wa Geita ilipangiwa jumla ya
watumishi wa afya 109.
Mheshimiwa
Spika, Katika mwaka wa fedha 2026/27 Serikali imetenga shilingi bilioni 56.25
kwa ajili ya ujenzi na ukarabati wa Hospitali na shilingi bilioni 23.37 kwa
ajili ya ukamilishaji wa vituo vya afya 111 kote nchini. Aidha, halmashauri ya
Mji wa Geita imetengewa shilingi milioni 170 kwa ajili ya ukamilishaji wa vituo
vya Afya.
Mheshimiwa
Spika, Kwa mwaka wa fedha 2026/27 Serikali imetenga jumla ya shilingi bilioni
405 kwa ajili ya ununuzi wa dawa na vifaa tiba, ambapo Mkoa wa Geita umetengewa
shilingi bilioni 7.28 na Manispaa ya Geita imetengewa kiasi cha shilingi
bilioni 1.09.
UHITAJI
WA WODI YA WATOTO KITUO CHA AFYA CHA MJIMWEMA SONGEA
MHESHIMIWA
MARIAMU MADALU NYOKA (VITI MAALUM) Atauliza:-
Je,
lini Serikali itajenga Wodi ya Watoto katika Kituo cha Afya cha Mjimwema
kilichopo Manispaa ya Songea.
WAZIRI
WA NCHI, OFISI YA WAZIRI MKUU (TAMISEMI) Atajibu:-
Mheshimiwa
Spika, Kituo cha Afya Mjimwema kimejengwa mwaka 2001. Kituo hiki kinaupungufu
wa miundombinu ya jengo la Maabara, jengo la Mionzi, wodi za kulaza wagonjwa na
wodi ya wazazi.
Mheshimiwa
Spika, Kituo cha Afya Mjimwema ni miongoni mwa vituo vya afya Kongwe 358
vilivyofanyiwa tathmini ambavyo vinahitaji kufanyiwa ukarabati pamoja na
kuongezewa miundombinu ya msingi ili viweze kutoa huduma stahiki ngazi ya Kituo
cha Afya.
Mheshimiwa
Spika, Serikali inaendelea kutenga bajeti kwa ajili ya ukarabati wa vituo vya
afya Kongwe kote Nchini ambapo jumla ya shilingi bilioni 164.86 zinahitajika.
Aidha, katika mwaka wa fedha 2026/27 Serikali kupitia fedha za mapato ya ndani
ya Halmashauri ya Manispaa ya Songea imetenga shilingi milioni 31 kwa ajili ya
ujenzi wa Jengo la maabara katika Kituo cha afya Mjimwema.
UHITAJI
WA KIDATO CHA TANO NA SITA SHULE YA SEKONDARI NGARA MJINI
MHESHIMIWA
DOTTO JASSON BAHEMU (NGARA) Atauliza:-
Je,
lini Serikali itaanzisha Kidato cha Tano na Sita katika Shule ya Sekondari
Ngara Mjini.
WAZIRI
WA NCHI, OFISI YA WAZIRI MKUU (TAMISEMI) Atajibu:-
Mheshimiwa
Spika, Serikali imekuwa ikijenga shule mpya za kidato cha tano na sita au
kuongeza miundombinu katika shule za sekondari zilizopo ili kuzipandisha hadhi
kupokea wanafunzi wa kidato cha tano na sita.
Mheshimiwa
Spika, katika kipindi cha Mwaka wa fedha 2024/25 - 2025/26, Serikali imepeleka
shilingi bilioni 2.08 katika halmashauri ya Ngara kwa ajili ya kuongeza
miundombinu katika shule saba za sekondari za Rusumo, Kabanga, Lukole, Muyenzi,
Murugamba, Ndomba na Ngara High School na kuzipandisha hadhi ambapo kwa sasa
zina jumla ya wanafunzi 6,881 wa kidato cha tano na sita.
Mheshimiwa
Spika, kwa sasa shule ya Sekondari Ngara Mjini haina mahitaji makubwa ya
kupokea wanafunzi wa kidato cha tano na sita. Shule ya Sekondari Ngara Mjini
ipo tarafa ya Nyamiaga yenye shule za tatu za Kidato cha Tano na Sita (Rusumo,
Lukole na Ngara High) zenye jumla ya wanafunzi 2,915. Aidha, Serikali
itaendelea kutenga fedha za ujenzi wa miundombinu ya kupokea wanafunzi wa
kidato cha tano na sita kwa kuzingatia tathmini ya mahitaji.
UJENZI
WA SOKO LA KISASA HALMASHAURI YA MJI WA MBULU
MHESHIMIWA
YUSTINA ARCADIUS RAHHI (VITI MAALUM) Atauliza:-
Je,
lini Serikali itajenga Soko la Kisasa katika Halmashauri ya Mji wa Mbulu.
WAZIRI
WA NCHI, OFISI YA WAZIRI MKUU (TAMISEMI) Atajibu:-
Mheshimiwa
Spika, Serikali inatambua umuhimu wa kuwa na soko la kisasa katika Mji wa
Mbulu. Kwa kuzingatia umuhimu huo, mrati huu ni miongoni mwa miradi
inayotarajiwa kutekelezwa kupitia mradi wa uoreshaji wa miundombinu ya Mji na
Halmashauri nchini (TACTIC) awamu ya tatu.
Mheshimiwa
Spika, Hatua zilizofiwa katika utekelezaji wa mradi huu ni pamoja na ,
Halmashauri ya Mji wa Mbulu kutenga eneo la ujenzi na taratibu zote za umiliki
wa ardhi kwa ajili ya mradi huo. Aidha, tayari upembuzi yakinifu, usanifu wa
kina wa majengo na gharama za mradi zimejulikana.
Mheshimiwa
Spika, Serikali itaanza ujenzi pindi taratibu za kibajeti zitakapo kamilika na
Zabuni kutangazwa kuwapata wakandarasi na Washauri elekezi.
UJENZI
WA BARABARA YA MUGOMBE-KAGERANKANDA
MHESHIMIWA
EDIBILY KINYOMA KAZALA (KASULU VIJIJINI) Atauliza:-
Je,
lini Serikali itaanza ujenzi wa Barabara ya Mugombe-Kagerankanda,ambayo ni
ahadi za Mheshimiwa Rais.
WAZIRI
WA NCHI, OFISI YA WAZIRI MKUU-TAMISEMI Atajibu:-
Mheshimiwa Spika, Katika
mwaka wa fedha 2026/2027, Serikali imetenga kiasi cha shilingi Milioni 89.4 kwa
ajili kufanya matengenezo ya kawaida na usanifu wa ujenzi wa barabara ya
Mugombe-Kagerankanda kilomita 37 ili kupata gharama halisi za ujenzi wake
ambapo baada ya kubaini gharama hizo, Serikali itatafuta fedha kwa ajili ya
kutekeleza kazi hiyo
Mheshimiwa Spika, Aidha
katika mwaka wa fedha 2025/2026 barabara hiyo ilifanyiwa matengenezo ya urefu
wa kilomita 19 kwa kiwango cha changarawe kwa gharama ya Shilingi milioni 534.26
Mheshimiwa Spika, Serikali
itaendelea kuiboresha Barabara hii kwa tabaka la changarawe ili iweze kupitika
misimu yote wakati maandalizi ya usanifu wa barabara hiyo yakiendelea
UKUZAJI
WA SEKTA BINAFSI ILI KUONGEZA AJIRA
MHESHIMIWA
DKT. REGINA CHRISTOPHER MALIMA (VITI MAALUM) Atauliza:-
Je,
Serikali inajipangeje kuhakikisha inaimarisha mazingira ya uzalishaji na ukuaji
wa sekta binafsi inayobeba ajira nyingi kwa vijana.
WAZIRI
WA NCHI, OFISI YA RAIS (MIPANGO NA UWEKEZAJI) Atajibu:-
Mheshimiwa
Spika, Serikali inatambua umuhimu wa sekta binafsi katika kuongeza uzalishaji,
uwekezaji na ajira kwa vijana. Katika kutekeleza Dira 2050, Serikali imeandaa
Mkakati wa Taifa wa Kuimarisha Mazingira ya Biashara na Uwekezaji (MKUMBI II),
unaolenga kupunguza gharama za kufanya biashara, kurahisisha taratibu za
uwekezaji na kuimarisha mazingira ya uzalishaji na utoaji wa huduma. Pia
Serikali imesaini azimio la pamoja ya Sekta Binafsi na Sekta ya Umma la 2026.
Mheshimiwa
Spika, Tathmini ya Utekelezaji wa MKUMBI I ya mwaka 2024, Tathmini ya Sekta
Binafsi ya mwaka 2024 na Taarifa ya Hali ya Sekta Binafsi Tanzania ya mwaka
2026 zimebainisha mwenendo, changamoto na fursa za sekta binafsi nchini. Kwa
kuzingatia matokeo na mapendekezo ya taarifa hizo, Serikali imeanza maandalizi
ya kuandaa Sheria ya Maendeleo ya Sekta Binafsi, inayoleta kuimarisha uratibu
wa taasisi za sekta binafsi, ushirikiano kati ya Serikali na sekta binafsi,
pamoja na utawala bora ndani ya taasisi za sekta binafsi. Aidha, itaweka mfumo
wa kushughulikia changamoto zinazoathiri uzalishaji, uwekezaji na ukuaji wa
biashara kuanzia ngazi ya Kitaifa hadi mamlaka za Serikali za Mitaa.
Mheshimiwa
Spika, Serikali pia inaendelea kuimarisha majukwaa ya majadiliano na sekta
binafsi pamoja na Idara za Viwanda, Biashara na Uwekezaji katika ngazi za mikoa
na wilaya. Aidha, imeandaa Kipimo cha Ushindani wa Mamlaka za Serikali za Mitaa
kuboresha Mazingira ya Biashara na Uwekezaji (LGA Business and Investment
Competitiveness Index) ili kuchochea utoaji huduma kwa wafanyabiashara na
wawekezaji. Hatua hizi zinalenga kuongeza uzalishaji, ushindani wa biashara za
ndani na uwekezaji unaopanua fursa za ujasiriamali na ajira zenye tija kwa
vijana.
KUWEZESHA
VIJANA NCHINI
MHESHIMIWA
LATIFA KHAMIS JUWAKALI (VITI MAALUM) Atauliza:-
Je,
Serikali haioni haja ya kuweka 4% au 10% kwa kila Wizara ya Kisekta kwa ajili
ya kuwawezesha Vijana.
WAZIRI
WA NCHI, OFISI YA RAIS – MAENDELEO YA VIJANA Atajibu:
Mheshimiwa Spika, Serikali
inatambua kuwa uwezeshaji wa vijana ni jukumu mtambuka linalohitaji ushiriki wa
Wizara zote za Kisekta kulingana na majukumu na fursa zilizopo katika sekta
husika. Katika mwaka wa fedha 2025/26, Serikali kupitia Wizara mbalimbali
imetumia kiasi cha Shilingi bilioni 966.8 kwa ajili ya programu na shughuli za
uwezeshaji vijana, zilizowafikia vijana 6,933,835
Mheshimiwa Spika, Serikali
inapokea pendekezo la kutenga asilimia nne (4%) au kumi (10%) ya bajeti ya kila
Wizara ya Kisekta kwa ajili ya uwezeshaji vijana, na italitathmini katika
muktadha wa maandalizi ya mipango na bajeti za Serikali, kwa kuzingatia
vipaumbele vya kitaifa, majukumu ya kisekta na upatikanaji wa rasilimali
KUCHOCHEA
MAPINDUZI YA KIDIjJITALI KATIKA SHUGHULI ZA KIUCHUMI NA KIJAMII
MHESHIMIWA
ESTHER EDWIN MALLEKO (VITI MAALUM) Atauliza:-
Je,
Serikali ina Mkakati gani katika kuchochea mapinduzi ya Kidijitali katika
Shughuli za Kiuchumi na Kijamii.
WAZIRI
WA MAWASILIANO NA TEKNOLOJIA YA HABARI Atajibu:-
Mheshimiwa
Spika, Serikali ya Jamhuri ya Muungano wa Tanzania inaendelea na utekelezaji wa
Mkakati wa Uchumi wa Kidijitali katika Tanzania ya Mwaka 2024 - 2034 (Tanzania
Digital Economy Strategic Framework 2024 - 2034) unaoweka mwelekeo wa maendeleo
ya Uchumi wa Kidijitali hapa Nchini.
Mheshimiwa
Spika, Utekelezaji wa Mkakati huu unalenga kuongeza mchango wa Uchumi wa
Kidijitali katika Pato la Taifa, kuimarisha tija na ufanisi katika shughuli za
Kiuchumi na Kijamii, kupanua fursa za ajira na biashara, kuchochea ubunifu na
uwekezaji pamoja na kuboresha ubora na upatikanaji wa huduma za Umma. Hatua hizi
ni sehemu muhimu ya jitihada za Serikali za kujenga Jamii ya Kidijitali na
zinaunga mkono utekelezaji wa Dira ya Maendeleo ya Taifa 2050.
UJENZI
WA BARABARA YA MTAMA – NEWALA
MHESHIMIWA
YAHAYA ESMAIL NAWANDA (NEWALA VIJIJINI) Atauliza:-
Je,
lini Barabara ya Mtama hadi Newala itajengwa kwa kiwango cha lami.
WAZIRI
WA UJENZI Atajibu:-
Mheshimiwa Spika, Kazi za
Upembuzi Yakinifu na Usanifu wa Kina wa barabara ya Mtama – Mkwiti – Newala
yenye urefu wa kilometa 74 kwa ajili ya ujenzi kwa kiwango cha lami zinaendelea
na ziko katika hatua za mwisho
.jpeg)
COMMENTS