Fred Gordon Kiluswa: Nyota Angavu iliyozima mapema

Na Mwandishi Wetu , BSKY Media Oktoba 10 akiwa hospitalini Fredy Gordon Kiluswa aliposti hii katika mtandao wake wa kijamii wa Facebook ...

Na Mwandishi Wetu , BSKY Media Oktoba 10 akiwa hospitalini Fredy Gordon Kiluswa aliposti hii katika mtandao wake wa kijamii wa Facebook 'Almighty and everlasting God, I acknowledge your blessing in the recovery of my health, and return to you my most hearty thanks for it.' Fred Gordon Kiluswa, jina litakalokumbukwa kwa muda mrefu katika tasnia ya filamu nchini, ametuacha leo Novemba 16, Msaidizi wa JB, Ngosha aliithibitishia Beda Msimbe TV. Hakufafanua zaidi kwa kuwa alikuwa katika kikao kinachohusha msiba huo.

Kiluswa ambaye uigizaji wake unatiokana na kupitia shule zinazofundisha sinema kama Bagamoyo na Udom alikuwa zaidi ya muigizaji; alikuwa msanii wa kweli ambaye aliweza kuigiza kila hisia, kutoka kwa furaha hadi huzuni, kwa njia ambayo iliwagusa mioyo ya watazamaji. Kwa sasa alikuwa anatamba na Mzani wa Mapenzi inayorushwa Azam Media. Uigizaji wake ulikuwa wa kipekee. Alifanikiwa kuingia katika kila nafasi aliyoigiza, na kuwafanya watazamaji wahisi kama wamekuwa sehemu ya hadithi hiyo. Alikuwa na uwezo wa kuonesha hisia zake kwa njia ya wazi na ya kweli, na hii ndiyo ilivyomfanya kuwa mpendwa na kuheshimiwa na wengi. Katika moja ya mahojiano na televisheni za Tanzania alisema alianza kuigiza kwa kazi ya Johari ambapo alikuwa mhusika mkuu akiwa na Uwoya.

Anasema kabla ya kuingia katika kuigiza awali alitaka kuwa mwanasheria lakini baada ya kumaliza sekondari alimua kwenda kujifunza kuongoza sinema katika Chuo cha sanaa Bagamoyo Tasuba kabla ya kwenda Udom kukamilisha zaidi uongozaji na utengenezaji wa sinema. Kifo chake ni pigo kubwa kwa tasnia ya filamu nchini kwani itajiosa sana mchango wake katika kuimarisha na kukuza sanaa hii. Alibaki kuwa miongoni mwa vipaji vichache vilivyokuwa vikipiga hatua kubwa katika uwanja huu kuelekea kjuwa mwongioza sinema mahiri kama mwenyewe alivyotaka. Aidha mwamba huyu alishatwaa tuzo mwaka 2023/2024 na na akiwa na marafiki elfu 4.9 amekuwa akitamba katika filamu na tamthilia mbalimbali ikiwemo tamthilia ya Mizani ya Mapenzi inayoonyeshwa katika channel ya Sinema Zetu ya Azam TV na Lawama.

Watu waliokuwa wanatoa maoni yao katika mitandao ya kijamii wamekuwa wakimwelelea kwamba Mwamba alikuwa anajua kuuvaa uhusika, hasa katika Ripoti, Koneksheni na hii inayotembea kwa sasa Mizani ya Mapenzi Mwingine alisema : Huyu jamaa nilimfaham kupitia tamthilia ya Slay queen ya JB alitisha sana, Apumzike kwa Amani