MKURUGENZI MTEULE WHO DK FAUSTINE NDUGULILE AFARIKI DUNIA

Na Mwandishi Wetu Mkurugenzi Mteule wa Shirika la Afya Duniani Kanda ya Afrika (WHO-Afrika) na Mbunge wa Kigamboni, Dkt. Faustine Ndugulil...

Na Mwandishi Wetu Mkurugenzi Mteule wa Shirika la Afya Duniani Kanda ya Afrika (WHO-Afrika) na Mbunge wa Kigamboni, Dkt. Faustine Ndugulile amefariki Dunia, Usiku wa kuamkia Novemba 27, 2024 nchini India alipokuwa akipata matibabu Taarifa ya kufa kwake Mhe. Dkt. Faustine Ndugulile aliyezaliwa mwaka 1969 ilitolewa na Spika wa Bunge Mhe. Dkt. Tulia Ackson. "Nimepokea kwa masikitiko makubwa taarifa ya kifo cha Mbunge wa Kigamboni na Mkurugenzi Mteule wa Shirika la Afya Duniani (WHO), Kanda ya Afrika, Mheshimiwa Dkt. Faustine Ndugulile. Kwa niaba ya Wabunge natoa pole kwa familia, wakazi wa Kigamboni na Watanzania wote. Mwenyezi Mungu ailaze roho ya marehemu mahali pema peponi", amesema Spika katika taarifa yake kwa waandishi wa habari. Ofisi ya Bunge kwa kushirikiana na familia inaendelea kuratibu shughuli za mazishi na taarifa zaidi zitaendelela kutolewa. Kabla ya kifo chake Dk Ndugulile alishawahi kuhudumu Mkurugenzi Msaidizi wa Huduma za Uchunguzi, Wizara ya Afya na Ustawi wa Jamii (2004-2006), Waziri wa Mawasiliano na Teknolojia ya Habari (2020-2021), Naibu Waziri-Afya, Maendeleo ya Jamii, Jinsia, Wazee na Watoto (2017-2020). Aidha, Dkt. Ndugulile alitarajiwa kuanza kazi kama Mkurugenzi Mkuu wa WHO-Afrika mnamo Februari 2025 baada ya matokeo ya Uchaguzi wake kuwasilishwa katika kikao cha Halmashauri Kuu ya WHO, Januari 2025.