Ni polisi na Chadema tena.. sasa hivi ni Morogoro

Polisi wa kutuliza ghasia ( FFU) wakiwa katika magari mawili wakilisindikiza gari la CHADEMA, lililokuwa limewabeba wafuasi na viongozi w...

Polisi wa kutuliza ghasia ( FFU) wakiwa katika magari mawili wakilisindikiza gari la CHADEMA, lililokuwa limewabeba wafuasi na viongozi wao kutoka eneo la Lupila – Msamvu, kutokana na madai ya Polisi hao kupuuza amri ya kuwataka kuacha kuandamana wakati wa mapokezi ya viongozi wao wa kitaifa, hata hivyo mabomu kadhaa yalirushwa na kusababisha kizazaa eneo la Msamvu.

POLISI Mkoani Morogoro wameingia kwenye  marumbano na Chadema baada ya  kutokea
kwa mauaji ya kijana Ally Shana Zone   wakati wa maandamano ya Chadema mkoani hapa.

Kifo hicho kilichotokea majira ya mchana kimedaiwa kusababishwa na risasi na Polisi wakati wa purukushani za kuzima maandamano ya Chama hicho leo .

Pia imedaiwa katika purukushani hizo, vijana wawili, Frank Valimba pamoja na Hashimu
Seif walijeruhiwa sehemu mbalimbali za miili yao .

Katibu Mkuu wa Chadema , Dk Slaa, alisema katika mkutano wa hadhara eneo la Uwanja wa Ndege Mjini hapa  kuwa amewateua viongozi wanne wakiongozwa na Mbunge Tundu Lissu,pamoja na
Mwanasheria , Amani Mwaipaja kukutana na Kamanda wa Polisi wa Mkoa,
Faustine Shilongile kuangalia kwa undani mazingira ya kifo cha kijana huyo.

Mgombea wa zamani wa Ubunge wa Jimbo la Morogoro Mjini kupitia CHADEMA ambaye pia ni Mwanasheria , Amani Mwaipaja , akiwasiliana kwa njia ya simu na Ofisa wa ngazi ya Juu wa Polisi wa Mkoa  wa Morogoro kuhusu  kilichoelezwa makubaliano ya kuachiliwa kwa Kamanda wa Oparesheni Sangara – M4C , Benson Kigaila ( nyuma yake ) baada ya kukamatwa na Polisi wakati wa kuwatawanya maandamano ya wafuasi wa chama hicho jana , ( anaye mwangalia) ni Mwenyekiti wa Chadema Mkoa na Mbunge wa Viti Maalumu wa chama hicho, Susan Kiwanga.

Chadema baada ya kuzungunza na  Viongozi wa Polisi, wamekubaliana Mwili wa
Kijana huyo uhifadhiwe chumba cha Maiti cha Hospitali ya Rufaa ya Mkoa
wa Morogoro ili kupicha uchunguzi wa kitaalamu kubaini chanzo cha kifo
hicho.

Kwa mujibu wa Tundu Lissu, Uongozi wa Polisi umeamua kupata Daktari
aliyetajwa kwa jina moja la Dk Mataka ili kuenndesha uchunguzi huo
ambapo Mwanasheria wa Chadema , Mkoani Morogoro, Amani Mwaipaja ndiye
atakayesimamia shughuli hiyo.

Hata hivyo Lissu aaliwataka wanachama wa Mkoa wa Morogoro alioshuhudia
kijana huyo akipigwa mabomu ama risari wanatakiwa kujitokeza kutoa
ushuhuda wakati wa uchunguzi wa kimahakama ili kudhibitisha kifo hicho
kuwa ni cha mkono wa mtu.