REDD’S MISS MORO 2013 YAIVA 14 WAJITOKEZA KUWANIA TAJI

WAREMBO 14 wamejitokeza kwenye kinyang’anyiro cha kuwania taji la Ulimbwende wa Redd’s Miss Morogoro   mwaka 2013 , kitakachofa...

WAREMBO 14 wamejitokeza kwenye kinyang’anyiro cha kuwania taji la

Ulimbwende wa Redd’s Miss Morogoro  mwaka 2013 , kitakachofanyika juni 15,

mwaka huu katika ukumbi wa  Hoteli ya Nashera iliyopo  Mjini Morogoro

Taji hilo  linaloshikiliwa na Redd’s Miss Moro 2012 ,  Joyce Baluhi, na  kati

ya warembo hao 11  wapo kambini na  wananolewa warembo wa mwaka jana  ambao

ni  Sophia Mwanyika, Catherine Shirima na Salvina Kibona,ambaye ni  mshindi

namba mbili wa Redd’s Miss Morogoro mwaka 2012 .

Mratibu wa shindano hilo , Frank Kikambako, alisema hayo jana ( Juni 12),

mjini hapa wakati akizungumza na waandishi wa Habari kuhusiana na

maandalizi ya shindano hilo na kuwataja warembo 14 walijitokeza kuwania

taji la Redd’s Miss Morogoro kwa mwaka huu.

Hata hivyo alisema, washiriki watatu ambao walijiandikisha kwenye

kinyang’anyiro hicho hadi jana ( Juni 12) walikuwa bado hawajawasili

kambini  na kufanya  nafasi  zao kutokuwa na uhakika kuweza kushiriki

kwenye mashindano hayo.

Mratibu huyo wa shindano hilo, aliwataka warembo waliopo kambini na

kuendelea na mazoezi chini ya walimu wao ni ( Saidath Hamis (19), Farida

Banzi (18), Saphina Chuma (20), Alexia Shayo ( 18) na Neema Joel (20).

Kwa mujibu wa mratibu huyo , wengine  wanaoshiriki katika kinyang’anyiro

hicho ni , Pendo David (19), Zulfa Vuai (20), Ummy Mohamed (21), Sabra

Aslam , Dayana Siman na mwengine aliyemtaja kwa jina moja la  Odria.

Mratibu huyo alisema, shindano hilo la Redd’s Miss Mororgoro linadhaminiwa

na Kampuni ya Bia Tanzania (TBL) kupitia kinywaji chake cha Redd’s Original

,ambapo mshindi wa kwanza atapata zawadi nono sambamba na wengine .

Pia alisema wasanii mbalimbali wa muziki wa kizazi kipya akiweo Tunda Man

na Mwandada Dayna ni miongoni mwa watakaotoa bursani ya kipekee kwa

washiriki na watanzamani.

Naye Redd’s Miss Morogoro namba mbili mwaka 2012,  Kibona ambaye ni

miongoni mwa walimu wa katika kambi ya warembo hao,  alisema   wote

waliojitokeza mwaka huu wamekuwa na vigezo vinavyokaribiana  na kulifanya

shindano hilo kuwa ni aina yake.

Source:John Nditi,Habarileo