Dubai Rais Samia Azidi Kupigilia Misumari Diplomasia ya Kiuchumi nchini UAE

Rais wa Jamhuri ya Muungano wa Tanzania Mhe Dkt Samia Suluhu Hassan ameanza ziara yake ya kikazi mjini Dubai kwa kishindo akidhihirisha kwa ...

Rais wa Jamhuri ya Muungano wa Tanzania Mhe Dkt Samia Suluhu Hassan ameanza ziara yake ya kikazi mjini Dubai kwa kishindo akidhihirisha kwa vitendo dhamira ya Serikali ya Awamu ya Sita ya kutumia Diplomasia ya Kiuchumi kama nyenzo kuu ya kuleta maendeleo ya haraka nchini.

Katika mwendelezo wa jitihada hizo, kwa mujibu wa taarifa kuitoka vyombo rasmi vya Ikulu ya Tanzania,  Rais Samia amefanya mazungumzo na Mhe Gaston Browne ambaye ni Waziri Mkuu wa Antigua and Barbuda. 

Hii  ni hatua muhimu katika kufungua milango mipya ya ushirikiano kati ya mataifa yanayochipukia ambapo diplomasia hii inalenga kubadilishana uzoefu katika sekta za uchumi wa bluu bandari na biashara ya kimataifa huku ikizidi kuimarisha sauti ya Tanzania katika ramani ya uchumi wa dunia.

Vilevile kutokana na mafanikio ya juhudi za kutangaza utalii Rais Samia amekutana na Bi Shaikha Al Nuwais ambaye ni Katibu Mkuu wa Shirika la Utalii la Umoja wa Mataifa ikiwa ni sehemu ya diplomasia ya kiuchumi inayolenga kuimarisha nafasi ya Tanzania kama kivutio namba moja cha utalii barani Afrika na kuvutia uwekezaji mkubwa katika miundombinu ya hoteli na huduma za kitalii ili kuongeza idadi ya watalii kutoka mataifa ya Ghuba na kote duniani.

Jioni ya leo Rais Samia atashiriki uzinduzi wa Global Africa Investment Summit ambalo ni jukwaa muhimu linalofanya kazi sambamba na World Governments Summit na kushiriki majadiliano ya kisera kuwa uwekezaji halisi wenye matokeo chanya ambapo kupitia jukwaa hili Rais Samia anaunganisha miradi mikubwa ya Tanzania ikiwemo nishati miundombinu na viwanda na mitaji kutoka kwa wawekezaji wakubwa duniani.

Ziara hii inathibitisha kuwa diplomasia ya kiuchumi ni harakati za kuitangaza Tanzania kama nchi salama na yenye fursa lukuki za uwekezaji wa moja kwa moja ambapo kila mazungumzo yanayofanyika hapa Dubai ni hatua kuelekea kutengeneza ajira na kukuza pato la Taifa kupitia ushirikiano wa kimataifa