Askofu Mkude asifu utulivu baada ya uchaguzi

KANISA Katoliki Jimbo la Morogoro, limewasifu Watanzania kwa kuonesha ukomavu wa kudumisha amani , umoja pamoja na utulivu mara baada ya kum...

KANISA Katoliki Jimbo la Morogoro, limewasifu Watanzania kwa kuonesha ukomavu wa kudumisha amani , umoja pamoja na utulivu mara baada ya kumalizika kwa mchakato wa uchaguzi mkuu wa Oktoba 31, mwaka huu , mbali na kutolewa kwa madai mbalimbali ya kasoro zilizojitokeza wakati wa uchaguzi huo kutoka kwa baadhi ya viongozi wa vyama vya Siasa juu ya ‘uchakachiaji’ wa matokeo ya kura za urais, wabunge na madiwani.
Pamoja na kuwasifu Watanzania katika kudumia amani, umoja na utulivu, limewashauri viongozi wenye mamlaka Serikalini kuangalia kasoro zilizojitokeza wakati wa uchaguzi mkuu na pamoja na kuweka msukumo wa suala la mchakato wa kuudwa kwa katiba mpya.
Pongezi na rai hiyo zimetolewa na Askofu wa Kanisa Katoliki, Jimbo la Morogoro, Mhashamu Telesphory Mkude,(pichani) juzi Des 25 , wakati wa mahubiri yake kwenye misa takatifu iliyofanyika katika Kanisa Kuu la Mtakatifu Patrice , ya Sikukuu ya kuzaliwa kwa Mwokozi Yesu Kristu takribani miaka 2000 iliyopita.
Hivyo alisema Watanzania wameonesha ukomavu wa kisiasa baada ya kufanikwa kupiga kura kwenye uchaguzi mkuu wa Oktoba 31, mwaka huu licha ya kasoro mbalimbali zilizojitokeza , ambapo baadhi ya viongozi wa vyama zilivyoshiriki uchaguzi huo kutoa madai mazito, kuwa kura zao zimechakachuliwa kitendo kilicholeta hofu kwa wananchi.

“ tumepita salama katika uchaguzi mkuu wa Oktoba 31, 2010…tunahaki ya kumshukuru mungu , taifa limebakia salama , amani, umoja na utulivu tofauti na nchi nyingine zilizofanya uchaguzi na zikajikuta zikingia kwenye migogoro kama tunavyoiona kwa wenzetu wa nchi ya Ivory Coast “ alisema Askofu Mkude
Hata hivyo pamoja na kusifu hali hiyo, Askofu Mkude, amewaomba viongozi wenye dhamana ya kudumisha umoja wa watanzania kutolifumbia suala la Katiba ambayo imeonekana kulalamikiwa na kada mbalimbali ili matakwa ya waliowengi yawezekupatiwa ufumbuzi wa kina.
“ Suala la Katiba inagaliwe upya , iangaliwe kwa msingi ya kuiwezesha Tanzania kuendelea kuwa nchi ya amani na utulivu na hayo yanafaa kuandaliwa mapema ili uchaguzi mkuu wa 2015 ufanyike ndani ya Katiba hiyo ili nchi iigie katika vurugu” alisema Askofu wa Jimbo hilo la Morogoro.

Kwa upande wa choko choko za Udini, Askofu Mkude amewashauri viongozi wanaolizungunzia jambo hilo ni vyema wakaliweka wazi ni maeno gani yenye udini badala ya kulizunguza ki ujumla bila kuyaainisha maeneo hayo moja kwa moja kama yanavyotamkwa.
“ hili naomba la udini viongozi wetu walitamke wazi bila uficho …kwa kuwa tunaona siku zote watanzania bila kubaguana dini zao wanapanda mabasi kwa pamoja …wanashirikiana kwa mengi …sasa tuambiwe udini upo wapi , uoneshwe kwa mifano badala ya ujumla wake “ alisisitiza Askofu huyo
Hata hivyo amewataka watanzania kuendelea kudumia umoja na utaifa wa nchi yao kwa lengo la kufanikisha maendeleo yao sambamba na kujenga upendo wa kuwasidia kwa kila hali watoto yatima wanaoishi maeneo mbalimbali kwenye jamii yetu.
Mdau Morogoro