bajeti ya serikali 2013-2014.

Serikali ya Mapinduzi ya imetangaza bajeti ya fedha kwa mwaka 2013-2014 huku ikiweka kipaumbele   dira ya maendeleo ya 2020 pamoja na m...

Serikali ya Mapinduzi ya imetangaza bajeti ya fedha kwa mwaka 2013-2014 huku ikiweka

kipaumbele  dira ya maendeleo ya 2020 pamoja na mpango wa kuimarisha uchumi na

kupunguza umasikini MKUZA kama ndiyo kipaumbele cha kuleta maendeleo.

Akiwasilisha bajeti ya Serikali kwa mwaka 2013-2014 hapo katika Baraza la

Wawakilishi,Waziri wa Nchi Ofisi ya rais anayeshughukilia Fedha Uchumi na Mipango ya

Maendeleo Omar Yussuf Mzee alisema hali ya uchumi ya Zanzibar imezidi kuimarika na

kufikiya asilimia 7.5 kutoka 6.7 katika mwaka 2012.

Alisema kwa mwaka wa fedha 2012-2013 Serikali ya Mapinduzi ya Zanzibar inatarajia

kutekeleza miradi minne katika sekta ya maji safi na salama,afya pamoja na ajira na

elimu.

Mzee alisema katika utekelezaji wa miradi hiyo Serikali imetenga jumla ya sh.Bilioni

113.2,huku akiitaja sekta ya Afya imetengewa sh.Bilioni 23.9,sekta ya Maji safi na

salama imetengewa sh.Bilioni 55.4 pamoja na ajira kwa vijana zimetengwa jumla ya

sh.1.1.

--uchumi wapanda kwa asilimia 7.5

---mishahara yatengewa bilioni 17.5 nyongeza.

--kodi uwanja wa ndege na hoteli kupanda.

---misamaha sasa kudhibitiwa.

---mfumuko wa bei sasa washuka

Alisema kwa mwaka wa fedha 2013-2014 Serikali ya Mapinduzi ya Zanzibar inatarajiwa

kutumia jumla ya sh.Bilioni 658.5 ikilinganishwa na bajeti iliyopita ya mwaka

2012-2013 ya jumla ya sh.648.9.

Akifafanua alisema bajeti hiyo asilimia 50 inategemea makusanyo ya vyanzo vya mapato

vya ndani vinavyokusanywa na taasisi za kukusanya mapato nchini Bodi ya mapato na

Mamlaka ya kodi nchini TRA.

Alisema katika mwaka 2013-2014 ukusanyaji wa mapato ya Serikali yanatazamiwa

kufikiya asilimia 21.3 na kufikiya sh.Bilioni 324.6.huku ZRB ikiwekewa malengo

kukusanya sh.171.7 na TRA kukusanya jumla ya sh.Bilioni 147.9.

Mzee alisema Serikali inatazamiwa kukusanya mapato katika vyanzo vyake vya ndani

jumla sh.bilioni 333.7.

Alisema katika mikakati ya kuhakikisha Serikali inakusanya mapato yake

vizuri,Serikali itadhibiti misamaha ya kodi ambayo ilikuwa ikilikosesha taifa zaidi

ya sh.Bilioni 12.6

Mzee alisema unafuu wa misamaha kwa asilimia 100 utatolewa kwa ofisi za kibalozi na

miradi inayotokana na wafadhili wa washiriki wa miradi ya maendeleo.

Alisema taasisi nyengine unafuu utatolewa kwa asilimia 80 na asilimia 20 iliyobaki

ndiyo itakayolipiwa kodi.ambapo alisema hatua hiyo itaongeza mapato kwa sh.Bilioni

4.56.

Mapema Mzee alisema serikali inakusudia kuzifanyia marekebisho viwango vya kodi kwa

ajili ya kuongeza mapato na kuacha utegemezi kutoka kwa wafadhili na washiriki wa

maendeleo.

Alizitaja kodi zitakazofanyiwa marekebisho na kupanda ikiwemo ada ya bandari kwa

wasafiri wa baharini na uwanja wa ndege pamoja na ushuru wa stempu na kodi za leseni

ya udereva.

Alisema ada ya viwanja vya ndege itapanda ili kufikiya viwango vya nchi za Afrika ya

mashariki dola za kiimarekani 35 na kufikiya 40kwa mtu na hivyo kusaidia mapato na

kufikiya sh.Bilioni 1.2

Aidha kodi za mahoteli zinatazamiwa kufanyiwa marekebisho ili kudhibiti ukwepaji wa

kodi unaofanywa na wamiliki wa mahoteli wasiokuwa waaminifu wakati wanapofanyiwa

ukaguzi.

Aidha Mzee Serikali inakusudia kudhibiti na kupambana na magendo ya mafuta nchini

ambapo mashirikiano yamefikiwa kati ya TRA pamoja na ZRB na Mamlaka ya mapato ya

Kenya.

Mapema Mzee aliwataka wananchi kujtokeza kwa wingi kutoa maoni yao katika mchakato

wa marekebisho ya katiba kwa njia ya amani na kuepuka fujo.

Alisisitiza na kusema kwamba Muungano wa Tanganyika ulioasisiwa na viongozi wawili

hayati Abeid Amani Karume na Mwalimu Nyerere ndiyo kielelezo cha taifa la Tanzania.

'Nawaomba wananchi wa Zanzibar kutoa maoni katika mchakato wa katiba ya Tanzania kwa

njia ya amani na utulivu....Muungano wetu ndiyo kielelezo cha taifa hili huku

umuhimu wake ukionekana kwa kila pande'alisema.

Alisema uchumi wa Zanzibar itaendelea kuimarika kama wananchi watatunza na kulinda

amani na utulivu katika sekta muhimu ikiwemo ya utalii.

Akizungumzia kuhusu  maslahi ya wafanyakazi,Mzee alisema ahadi ya rais wa Zanzibar

katika kuimarisha maslahi ya wafanyakazi wote bado ipo pale pale.

Alisema katika bajeti  ya mwaka wa fedha 2013-2014 Serikali imetenga jumla ya

sh.Bilioni 17.5 kwa ajili ya maslahi ya wafanyakazi ikiwemo nyongeza ya mishahara.

'Katika bajeti hii tumetekeleza ahadi ya rais wa Zanzibar na mwenyekiti wa baraza la

Mapinduzi dk.Ali Mohamed Shein katika kuimarisha maslahi ya wafanyakazi wote

nchini'alisema.

Aidha Mzee aliitaja bajeti ya mwaka wa fedha 2013-2014 kuwa ni bajeti nafuu kwa

wananchi baada ya serikali kufamnikiwa kukamilisha miradi mbali mbali ikiwemo wa

nishati ya umeme kutoka Ras kilomoni Tanzania Bara hadi Fumba na ule wa Pemba hadi

Tanga.

Alisema kukamilika kwa miradi hiyo kumeleta unafuu mkubwa kwa wananchi ikiwemo

kutumia nishati ya umeme kwa maendeleo ya taifa.

Khatib Suleiman,habarileo Zanzibar