Wasaniiwa Kitanzania akiwamo Uwoya watua kujifua Korea Kusini

KUNDI la pili la wasanii wa filamu limewasuili nchini Korea kujifua nchini humo baada ya hivi karibuni kundi la kwanza kwenda kwenye mafunz...

KUNDI la pili la wasanii wa filamu limewasuili nchini Korea kujifua nchini humo baada ya hivi karibuni kundi la kwanza kwenda kwenye mafunzo wakiwa wameongozana na Rais Samia. Uwapo wa Ziara hiyo ya mafunzo umejaa pomoni kwenye insta wa wasanii hao akiwamo Irene Uwoya. Miongoni mwa walionufaika na ziara hiyo ya mafunzo ni Mwigizaji wa filamu na tamthilia Irene Uwoya ambaye katika insta yake amemshukuru Rais Samia Suluhu Hassan kwa kuwapa nafasi ya kwenda kwenye mafunzo Korea Kusini. Katika mtandao wa kijamii ya Instagram, Irene aliandika:. "Mungu akiwa upande wetu ni nani alie juu yetu, Asante kwa kibali asante Yesu, Asante mama yetu Samia Suluhu Hassan kwa nafasi hiii ya kipekee kwetu, tunakupenda sana mama na hatutakuangusha,"alisema. Miongoni mwa wasanii waliopo huko ni Wema, Steven Mengele 'Steve Nyerere', Irene Paul, Godliver Gordian, Gambo Zigamba, Getrude Mwita, Senator Msungu, Eliud Samwel na Johari Chagula. Wakati huo huo Tanzania itakuwa nchi ya kwanza Afrika kufyatua kazi za pamoja naKorea Kusini. Hilo limebainishwa na Rais wa filamu wa Korea Kusini Yang Jongkon wakati akizungumza na waigizaji wa Tanzania katika mji wa Busan walikofika kwa ziara ya mafunzo. Kwa mujibu wa taarifa hiyo iliyowekwa na Steven Mengele 'Steve Nyerere' kwenye akaunti yake ya mtandao wa kijamii ya Instagram, Rais huyo wa filamu alisema kwa sasa wanamalizia kuimarisha bara la Asia kwenye tasnia hiyo ya filamu. Wasanii kutoka Tanzania wamefanikiwa kutembelea Studio kubwa za Busan na kuona jinsi filamu za kikorea ambazo zimetokea kupendwa sana na watanzania zinavyotengenezwa.