mada hii muhimu kwa viongozi na watoa habari wa serikali

UMUHIMU WA VYOMBO VYA HABARI Shughuli nyingi zinazofanywa na serikali zinaweza kuleta msisimko mkubwa kwa wananchi na  kujifunga ni...

UMUHIMU WA VYOMBO VYA HABARI

Shughuli nyingi zinazofanywa na serikali zinaweza kuleta msisimko mkubwa kwa wananchi na  kujifunga nira ya maendeleo katika maeneo yao kama shughuli hizo zitakuwa zikitangazwa. 

Utoaji wa habari iwe katika mfumo wa magazeti au kielektroniki kama televisheni na radio na mitandao ya kijamiii husaidia kutawanya habari  na mara zote habari hizo huleta athari katika jamii  inaweza kuwa chanya au hasi. 

Mara nyingi taarifa hizo huwa ni habari njema kwa makundi mengi kwa kuwa huleta ushawishi unaoweza kung’amuliwa na wengine na kufanyiwa kazi kupata athari inayohitajika. 

Kama watu watajua umefanya nini na umefanikiwa nini na nini unakifanya kwa sasa, mara nyingi unaweza kupata ama kuigwa au mtu mwingine akakupata msaada pale ambapo anaona unafanya kitu chema laini unakabailiwa na changamoto katika kitu hicho. 

Wakati ni muhimu sana pia  kutotumia vyombo vya habari  kujifaharisha badala ya kuonesha kazi inayohusika, matumizi ya vyomboi vya habari kwa usahihi huweza kuleta mabadiliko yanayokusudiwa.

 Sasa labda nieleze kwanini vyombo vya habari ni muhimu kwa serikali.

kwa nini vyombo vya habari ni muhimu

Kimsingi umuhimu wake unatokana na ukweli kuwa vina uwezo wa kupeleka ujumbe wa kitu unachofanya au unachohitaji kwa watu wengi kwa mkupuo mmoja.

 Kuna aina nyingi ya vyombo vya habari ingawa wengi tunajua uwapo wa televisheni, radio na magazeti. Vyombo hivi hus

aidia kukusanya na kutawanya habari yakiwamo matukio mbalimbali. Lakini siku hizi pia kuna mitandao ya jamii kama blogs,facebook, twita na kadhalika. Ukifanikiwa kufikisha ujumbe wako katika vyombo vya habari maana yake katika muda mfupi sana watu wanajua kinafanyika nini. Kwanini kinafanyika na nini hasa faida kwa watu wa eneo husika.

Kwa kukosa vyombo vya habari maana yake kinachofanyika katika eneo lako, hakuna mtu atakayejua. Na kama hajui uwapo wa mavuno mengi yanayotafuta soko, Yule mwenye shida ya mavuno hayo hatajua kwamba anatakiwa kufika kwako. Kama eneo linafikika na wewe hujatangaza kwamba eneo hilo lina mathalani mpunga na linafikika  nani atajua. Katika ulimwengu wa utandawazi vyombo vya habari vinafikisha  masuala kama haya kwa haraka na wengine wakisoma au kuangalia wanakubaliana nayo.

Kimsingi hakuna kitu kianchoweza kujulikana kwa kasi na kwa spidi inayotakiwa bila kutumia vyombo vya habari.

Husaidia kufikisha ujumbe kwa watu unaowataka

Kuna aina mbalimbali za vyombo vya habari. Na kama ukiangalia vyombo vinavyotakiwa maana yake unaweza kujua chombo gani kitafikisha nini na kwa watu wa naina gani kwa mfumo gani. 

Kuna vyombo vya habari vinavyotumika sana na vijana na kama unaweza kutumia vyombo hivi maana yake unaweza kuwasiliana na vijana moja kwa moja.

Unaweza kuangalia ukubwa wa eneo na nanin anastahili kufikishiwa ujumbe siku hizi kuna radio za jamii, magazeti ya maeneo na hata televisheni za halmashauri kwa ukubwa wa eneo halmashauri hizi zipo poa kutumia kwa malengo ya ndani lakini kuvuka halmashauri vyombo vikubwa zaidi vya kitaifa vinastahili kuangaliwa. 

Na kubwa zaidi ni matumizi ya  intaneti ambako humo ndiko unakuta mitandao ya kijamii. 

Tunzo kubwa ya vyombo vya habari ni kwamba inakusaidia kutawanya habari, kupata taarifa na hata matangazo mbalimbali yanayohusu mambo mbalimbali yakiwemo ya kisiasa, kiuchumi na kijamii. 

Moja ya faida kubwa unayoweza kuipata kwa kualika vyombo vya habari katika eneo lako la kazi ni huduma ambayo ni bure kwa watu wako na jamii yako.

Vyombo hivi ukiachia matangazo unayolipia taarifa zinazogusa maisha ya watu na maendeleo yao hutoplewa bure kwa jinsi ambavyo inafaa kwa namna ambavyo zinafaa kuwa habari kwa watu kama katika muundo wa makala za maendeleo.

Na wanapokuwapo wawakilishi wa vyombo vya habari unahakika kama kitu chako kitawafikia wengi zaidi. 

Kitu cha msingi ingawa habari huwa hazilipiwi, kama kusipokuwa na juhudi binafsi ya kutengeneza mawasiliano mema na vyombo vya habari,kuandaa taarifa au matukio hayo na kuwa tayari kuzungumza nao huwezi kufanikiwa. 

Ni muhimu kuelewa kwamba kama usipotia nia katika uhusiano mwema huwezi kufanikiwa kuwa na tarifa za bure katika vyombo hivyo.

 Pia utambue kwamba kwa kuanika taarifa zako, shughuli zinazofanyika zitaonekana kuwa si za kimagumashi ni za kweli na kwamba zinakujengea wewe na watu wako heshima katika ujenzi wa taifa.

Na hii utambue ukweli kuwa watu wanaamini kwamba kitu kinapotokea katika chombo cha habari ni cha kweli na muhimu kuonwa au kusomwa.

Ni ukweli kuwa wengi wa wananchi hutoa uzito mkubwa kwa habari ambazo zimeandikwa na kutoka katika vyombo vya habari.

Kitu kingine ni  vyema kutambua kwamba kwa kutumia vyombo vya habari unaleta mvuto katika eneo lako, wengi wawekezaji au watoa huduma hutafuta taarifa kwa namna ya kusoma au kuangalia vyombo vya habari nini wanachoweza kukifanya. 

Kwa kuwa karibu na vyombo vya habari unatengeneza mustakabali wa kueleweka kwa wewe na jamii unayoiongoza.

Pia inawezesha  eneo lako kujulikana vyema miongoni mwa wananchi na taifa kwa ujumla.
Kuwapo kwa taarifa zako kila mara kunafanya watu waangalie eneo lako kwa namna tofauti.
Kwa kujulikana unaweza kushawishi aina mbalimbali za watu kufika kufanyakazi za kijamii au kiuchumi.

LAKINI VYOMBO HIVI HIVI VINAWEZA KULETA SHIDA

Kutokana na  nguvu kubwa iliyonayo ya kubadili mawazo ya watu vyombo hivi vinaweza pia kusababisha sokomoko  na hata kuzuia maendeleo.

Ni vyema kuwa makini katika hili na hasa kutengeneza uhusiano mwema na pia kuwa tayari kuzungumzia changamoto mbalimbali na pengine hata kabla wao wenyewe hawajauliza.

Unaweza kusema maoni yako namna changamoto zinavyoweza kushughulikiwa na kwa nguvu ile ile ikatumika kushawishi ushiriki wa kutatua changamoto hizo.

Tunataka ufahamu kwamba mawazo mazuri yanayojenga yanaweza kubomolewa na mawazo mabaya yanayotengenezwa kwa namna ambavyo yanasaidia kubomoa badala ya kujenga.

Maana yake ni kwamba jiandae pia kukabiliana na habari mbaya kwa kuwa na mpango kazi unaoelekeza namna njema ya kukabiliana na habari hizi na kuzigeuza changamoto zinazoweza kuonwa kama changamoto na kusaidiwa kuondokana nazo badala ya kukutumbukiza katika siasa za maji taka.

Kunatokea nini Tanzania

Wengi wa viongozi wanashindwa kueleza mafanikio ya serikali katika nyanja mbalimbali kwa namna inavyofaa. Kwa mfano ujenzi wa barabara nini faida yake kwa wale waliopembezoni na imeleta muingiliano gani wa kiuchumi.

Mafanikio ya serikali ni mengi lakini hakuna maelezo yanayozingatia nini kimefanyika, kimesaidia nini.

Vyombo vya habari vya Tanzania vinatumika zaidi kueleza mabaya ya watumishi wa serikali na hivyo serikali kuonekana kuwa mbaya. Viongozi wanashindwa kujieleza katika masuala ambayo yanaweza kusaidia kuonesha serikali inafanya nini.

Viongozi wamekuwa wavivu hata kutumia magazeti ya serikali kuelezea mafanikio kwa lugha nzuri tu. Kushawishi  maeneo kuonesha maendeleo yaliyotokana na sera nzuri za serikali. Viongozi wa nafasi yao wanamsubiri rais aeleze mafanikio na changamoto zilizopo badala ya wao kuonesha wanachofanya huko mikoani.

Magazeti yanakeep rekodi kwa muda mwingi lakini wanataka kuonesha  taarifa tu na si makala yanaoonesha utekelezaji wa malengo ya serikali.

NB

Natumaini wakubwa wakijielemisha na kutumia wataalamu wao wa habari kujielimisha inaweza kuwa sawa kabisa kwani kuna mafanikio mengi katika afya, barabara na elimu lakini namna ya kujieleza ngumu watu wanatukana wanashindwa kutafuta muda wa kueleza mafanikio.

Kwanza elimu watu wameanza kujua wanahitaji nini kwa sababu elimu imewafikia wengi sasa wanataka ubora. Afya sasa watu wanatumia hospitali na wanajua wanahitaji nini. Barabara sasa tunaweza kuhamisha mazao na watu uchumi unabadilika wanataka umeme wanataka  vitu ambavyo ukiwa maskini huwezi kuvipata.

Vyombo vya habari muhimu kuelezea sera, utekelezaji na pia changamoto zilizopo lakini wanajua kutumia vyema vyombo vya habari ni wapinzani pekee. Hakika vyombo vya habari vinafanya kazi inayotakiwa kwa namna unavyoweza kuvitumia na kuwa sumu kama hujui namna ya kuvitumia.

mwisho